Sam 89:1 - Nobonob Baibel

¹ O Yawe, da oo mauhaknab kobol nahipnu oo gamag ahak doyeye, hanhan ahi edakkul. Yo, da geha oo metta ii uuak kobol nahipnu laa amelagppa madikkul.

Sam 89:1 Referans Kwoze

Sam 101:1

Da nahip oo mauhaknab kobolnu, nahip nai doya mala hettoɗia epeɗia elele mettak kobolnu ele ahi edakkul. O Yawe, da ahippa na binan mekkul.

Sam 119:90

Na danab ah menuak laippu bau dotteb anen anen ahilagnu oo metta ii uuak kobol dim lamidna hena, hanhan anamib hekkut. Na wan heme amu, nug alet anam daatte.

Gayak Nai 3:23

Oo mauhaknab kobol, oo gai-iitta doya oo metta ehanittak kobol nuhig ele am buttua ohppa bau tuɗidttep, ii iitta mettep; O Yawe, nahip oo metta ii uuak kobol am okkainab daatte.

Sam 89:8

O Yawe Kayak Nakka Ɠagattag Oh Ele, auntai na bia laa iitta! O Yawe, na ɠagattagnab ele. Na oo metta ii uuak kobolnu diig daattem.

Sam 89:33

Amge da laa nug tituanmi ele amu, da nuhignu oo mauhaknab dahil tuqen ii aopa. Ge, oo metta ii uuak kobol nuhignu da doottem amu, da ii tuqe aopa.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Sam 106:1

Ag Yawe binag meig! Ao, ag Nug amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 89:49

O Naɗi, anukkanu na ihinignu oo mauhaknab doottem, amge gemu kobol amu adeppa daatte? Ao, na oo metta ii uuak kobol dim lamidna, na Dawit amegppa ihinignu oot bodoetta, oot ele mauhkkunu nahip nai ɠagattag qettan ame, amge gemu kobol amu adeppa daatte.

Sam 92:2

O Yawe, danab ah ag oo mauhaknab kobol nahipnu buttua laa amelagppa anak amu enanag. Ao, oo metta ii uuak kobol nahipnu danab ah tueb amelagppa anak amu enanag.

Sam 71:8

Da na binan mettem. Yo, da nahip binag amahlak oppiaawak ele deɗ oh amun tuqan ele, da amunu oɗelppa madittem.

Sam 89:24

Dahil oo metta ii uuak kobol, amu oo mauhaknab kobol dahil ele, amu oh am nug ele daakku. Da nug ehanidppi, nug king ba, nug ɠagattagnab daakku.

Sam 59:16

Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Sam 88:11

Laa ag mauhak moɗppa niitteb, ag laa amelagppa nahip oo mauhaknab kobolnu madittebte? Ao, aben nau anamppa ag nahip oo metta ii uuak kobolnu madittebte?

1 Stori 2:6

Sera bekkod oh am tanig ele; am Simri, Etan, Heman, Kalkol, Darda ele.

1 King 4:31

Solomonnu doyak dabmak ena ele am wanppan danab oh dilag doyak dabmak ena ele eɗattom. Nug Esra buɗub Etan, nuhig doyak dabmak ena ele eɗitta, am nuhig doyak dabmak ena ele am Heman, Kalkol, Darda ele, ag Mahol bekkod, nuhig doyak dabmak ena ele ahilag eɗittom. Am King Solomon onig okkai ahe, wan oh Israel, Juda ele taliliattak daappig amu, appan danab ag dooppig.

1 King 5:11

Amu Solomon nug Hiram wit aeg, uug nuhig 2,000,000 kilogram, amu 400,000 lita olip goɗen ena ele maɗ ohppa medattom. Ee amuam Hiram, nug danab nug ele daatteb ele lakkulagnu madattom.