Sam 88:1 - Nobonob Baibel

¹ O Yawe, na Kayak da ehaniɗe, padal ii mettem. Anam amu, da nahipnu hanhan amun tuqan ele unuqidttem.

Sam 88:1 Referans Kwoze

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Sam 22:2

O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Sam 86:3

O Naɗi, da na deɗ oh, amun, tuqan ele na unuqidttem amunu, na dahilnu oot gai-iitta doon oot meɗan ehaniɗkkutnu oɗ medattem.

Sam 53:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb, danab amu ag diilkad ena iitta, uɗig wak ele. Kobol ag hetteb am, kobol uɗig wak ele. Auntai laa ena ii hette!

Sam 51:14

O Kayak, da padal mepanu ehanittak am naib. Da am eheɗ nau hemi amunu, na heppe, da mauhkkulnu elele, amge O Kayak na heppe, da ii mauhpa, da bau daakkulnu unuqidttem. Na anam hekkut amu, da gamag ahak okkai doyen, da nahip genab tutukku hak kobolnu ahi edakkul.

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

1 King 4:31

Solomonnu doyak dabmak ena ele am wanppan danab oh dilag doyak dabmak ena ele eɗattom. Nug Esra buɗub Etan, nuhig doyak dabmak ena ele eɗitta, am nuhig doyak dabmak ena ele am Heman, Kalkol, Darda ele, ag Mahol bekkod, nuhig doyak dabmak ena ele ahilag eɗittom. Am King Solomon onig okkai ahe, wan oh Israel, Juda ele taliliattak daappig amu, appan danab ag dooppig.

Genesis 49:18

O Yawe, na da ehaniɗkkutnu, da na amen mettem.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Aisaia 62:6

Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 79:9

O Kayak, na am Padal ii maknu ehanittak ihinig daattem. Laa ag na am binan amahlak oppiaawak ele dooglagnu, na ig ehanigkkutnu oɗ medattem. Ao, laa ag nahipnu dabmak anuqak aoglagnu, ig kekeɗ eppelagppa daamtanu, na ihinig hipunin uhuqna megakkutnu, ig na unuqidttem.

Sam 68:19

Ig Naɗi, Nug am ihinig Kayak, ihinig Padal ii maknu ehanittak, ig Nug binag metu! Nug deɗ oh ihinig uug maotte. Sila.

Sam 65:5

O Kayak, na am ihinig padal mematanu ehanittak daattem. Haen na nahip uɗat hettem amu, na kobol genab tutukkuib dim lamidna heehe, danab ag uɗat amu anidna, ag ebehilag oh bodoetta le mette. Nahip uɗat am anam aakku amunu, haen na unuqittak ihinig nob mettem amu, na uɗat anam aakku hettem. Amu danab ah wan ohppanu, miagnu, amu umanu ele ag nahipnu oolagppa genab dootteb

Sam 62:7

Padal ii maknu ehanittak dahil, am Kayak nukka, laa da binal meɗatte ele amu, amu ele am Kayak nukka. Nug am kekeɗ niɗamnanu ehanittak dahil daatte. Nug am padal mak eɗitteb ena dayaknu ehanittak dahil daatte.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 24:5

Aun aɗi ag anam hetteb ele amu, ag geha Yawenu itittak ena aoglag. Ao, Kayak, Nug ag padal memananu ehanittak ahilag daatte amu, Nug ahilagnu, “Ag am genab tutukku hak danab,” dookku.

Nehemaia 1:6

O Yawe da, nahip maɗi nid, da na dahil unuqittak da deɗ oh amun tuqan ele unuqittitti doon, nob ena meɗakkutnu oɗ medattem. Da Israel danab ah, ag nahipad maɗi nid maɗi ah ele amu, da amu dilagnu na unuqidttem. Amu da ii lokkumttem. Iitta. Da ig Israel danab ah, da ele, amu da mamel baekkudppan ele, ig oh nahip-ppa hipunin hemut amu, da miagib na amenppa madittem.

1 Tesalonaika 3:10

Amun tuqan ele Kayak Nug heeb, ig baula ag iɗulag anidta, ahilag ooppa genab doyaknu nai laala ii dooppig ele ippunadta apput dooglagnu oonig unuqagppanu unuqidttem.

1 Stori 2:6

Sera bekkod oh am tanig ele; am Simri, Etan, Heman, Kalkol, Darda ele.

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

1 King 5:11

Amu Solomon nug Hiram wit aeg, uug nuhig 2,000,000 kilogram, amu 400,000 lita olip goɗen ena ele maɗ ohppa medattom. Ee amuam Hiram, nug danab nug ele daatteb ele lakkulagnu madattom.

1 Stori 6:18

Kohat bekkod am Amram, Ishar, Hebron, Usiel ele.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.