Sam 87:7 - Nobonob Baibel

⁷ Danab ah ag ahi ettaladnana, ag akkulag. “Yawe Jerusalem appa daatte, Nugib ig bau dayak megatte!” aon akkulag.

Sam 87:7 Referans Kwoze

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

1 Stori 23:5

4,000 laa ag lag gumak danab daaglag, amu 4,000 laa ag musik haknu keeke, da ag amu hekkulagnu mattami ele amu, ag keeke amu aɗan, Yawe binag mekkulag,” awa aum.

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Sam 46:4

⌊Am le naɗi, le amunu le ippu danab eppelagppa buuppig ele, le ippu amu ag danab ah gamag ahak okkai madatteb, amubia⌋ Kayak Nug danab ah ag nuhig aab okkaippa daatteb ele, Nug ag gamag ahak okkai madatte. Aab okkai amuam Kayaknu tituanak daatte, Kayak Attannab Nug amuppa daatte.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 68:26

Israel danab ah, ag oh Kayak humitteg! Yo, ag Israel buɗuppud, ag Yawe binag meig!

Esekiel 47:1

Aria, danab amu nug anam da amelppa ana, nug eɗua, da omaiɗa, Kayaknu mettid lag odppa ukke, da neekki, le laa Kayaknu mettid lag od ukku, laih kaɗag uɗitteppanu, amu waappanu noa ugekke anidmi. Amu le amu Kayaknu mettid lag, amuppanu aam bedeppa, appa ugakka, qaɗab laih yau uɗitteppanu qe-eɗitta, aam bedeppa, appa wana ukkom. Le amu Kayaknu mettid lag, amuppanu kaɗag uɗitteppanu, appa ukkomnu diig am, Kayaknu mettid lag noob am kaɗag uɗitteppanu daatte.