Sam 87:6 - Nobonob Baibel

⁶ Yawe Nug, aabaab danab ah anen anen onilkad yaakkunu, Nug inam yaakku. “Imu anig nug nug Sion appa menuom.” Sila.

Sam 87:6 Referans Kwoze

Aisaia 4:3

Amu inam bekku. Danab ah Sion daatteb, aun aɗi ag Jerusalem daatteb, Yawe Nug ag bau daaglagnu tituanattom amu, danab ah laa ag ahilagnu, “Ag am Yawenu oppiaawak ele daatteb,” aon akkulag.

Luk 10:20

Amge ouɗi nau ag nai ahilag dim lamidtteb, ag amunu oolag aib gamag ahom! Iitta. Kayak Nug ag onilag hab aabppa yom, ag amunu maɗoɗppan gamag ahak doyeg!” awa aum.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Esekiel 13:9

Da propet hambuppuak ag tulegleg hambuppuakppanu maditteb, ag emannu hambuppuak nai ele atteb amu, da ahilag hak amunu eheɗ doyeye ool ii madattem. Ag amu hetteb amunu, da heppi, ag Israel dilag okkai oolagppa baula ii daamna. Da heppi, ag onilkad am buk laa, Israel onilkad amuppa yaak daatte, ag onilkad amuppa ii daamna. Da heppi, Israel danab ah ag gona, diia ukka laih me dayak danab ah wan laappa daappeg ukkeb, eɗua uɗiak haen doob, propet hambuppuak ag eɗun ii uɗimna. Da anam heppi, ag ⌊Israel, ag⌋ dooglag, da am Naɗi Yawe.

Sam 69:28

Na heppe, ag tuɗidna bau ii daamnanu oɗ medattem. Ao, na heppe, ag onilkad amu, genab tutukku hak danab onilkad ooppa daamnanu unuqidttem.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Sam 22:30

Laa butti aɗi dokkulag, ag Nug waappa daan, nuhig maɗi nid maɗi ah ele daaglag. Yo, laa amu ag Naɗi aɗi aɗi heumnu appeg dooglag.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.