Sam 87:4 - Nobonob Baibel

⁴ Yawe atte. ⌊“Israel danab ah ag da noolppa dup nona, da binal metteb amunu, da ag onilkad dahil bukppa yaami.⌋ Dimppa, Isip danab ah, Babilon danab ah ele, ⌊ag da noolppa dup nona binal mekkulag amunu,⌋ da ag onilkad, Israel onilkad dahil bukppa yaak daattebppa yaakkul. Yo, dimppa danab ah Pilistianu, Tairnu, amu Kus appanu ele, ⌊ag da noolppa dup nona binal mekkulag. Ag anam heppeg,⌋ da ahilagnu, ‘Imu ag Sion appa menuadppig!’ akkul.” Yawe Nug anam atte.

Sam 87:4 Referans Kwoze

Sam 45:12

Tair danab ah ag na keeke kuɗumnab ena ena, nahip daakkunu hamu mettaglag. Danab ah en okkai ele ag na ahilagnu ii helom bia me, na ehanadkkutnu, ag na keeke nahip daakkunu hamu mettalag.

Sam 68:31

O Kayak, na anam heppe, dimppa Isip danab ah ag nagattoppa uɗiglag. Na anam heppe, dimppa Kus danab ah ag uɗin, na noomppa dup nona binan mekkulag.

Sam 89:10

Naib yuppan doɗ naɗi eɗidna he nauhom. Ao, na nahip ɠagattagppa kekeɗ nahip eɗadna he, tamtam goppig.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

Revelesen 17:5

Nug iɗuppa onig laa nai tonakppa yaappig. Onig amuam inam. “Aab okkai Babilon onig, ɠagattag ele, nug am ib baag ah, amu wanppanu keeke nau digdig, Kayak Nug amunu ooppa uuaknab dootte, am amu oh anilag aakku.”

Aposel 8:27

A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Sam 137:1

Ihinkad kekeɗ ag aikkeg, Babilon gota daatta amu, Babilon appa ig Sionnu dabmeta, ig le ihippa daatta gaamut.

1 Samuel 17:8

Goliat nug ban bala anam mewowa, nug nuhig huu ameg amu uuatta na, nug hibaitta dayaya, nug baag okkaippa Israel ban danab onilagppa ewa, amelagppa aum. “Ag aɗinu lainppa anam hippaidna daatteb? Ag ban hekkulagnute daatteb? Da am Pilistia danab, danab ɠagattag; ag am Saulnu maɗi nid hamuib. Ag oolagppanu laa elele dayeb amu, ag nug da ele ban hekkunihnu otippeg, nug neeb, da ele ban heɗu!