Sam 86:16 - Nobonob Baibel

¹⁶ Na eɗun, ena neekkiɗna, dahilnu oot gai-iitta doon oot meɗan ehaniɗkkutnu oɗ medattem. Da am nahip maɗi nid, da na ɠagattag meɗakkutnu ool daatte. Ao, da am nahip maɗi ah laa bekka. Da padal mepanu ehaniɗkkutnu unuqidttem.

Sam 86:16 Referans Kwoze

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Sam 25:16

O Yawe, da bael laippu dayeye, uug okkai doottem amunu, na neekkiɗna, dahilnu oot bodoetteb enanag maɗoɗ ele hekkutnu oɗ medattem.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Sam 119:132

Na laa ag nahipnu oolag mauhe, na oot ag madattem, amubia na dahilnu dabmena, dahilnu oot gai-iitta doon oot meɗan ehaniɗkkutnu oɗ medattem.

Sam 119:94

Da am nahip. Na da ehaniɗppe ii padal mepanu oɗ medattem! Aɗinu? Da nahip oo yaak nai ɗo bia, da nai amu atognoin dim lamidmi.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Sam 84:5

O Kayak, laa ag nahip-ppan ɠagattag aon, ag na gukkuidna Jerusalem gokkulagnu oolag hette amu, ag itittak ena aoppig daatteb.

Sam 69:16

O Yawe, na oo mauhaknab kobol nahip dim lamidttem amunu, na kobol ena nahip amu dabmenan, dahil unuqittak dookkutnu oɗ medattem. Ao, na ig danab ah, na ihinignu na oot huana gai-iitta dayeye, oot mekkan ehanigttem amunu, na eɗun, da ehaniɗkkutnu unuqidttem.

Luk 1:38

Anam a amu, Maria nug aum. “Da amu Naɗinu maɗi ah. Na ame bia amu, Nug dahilppa anam haɗ!” awa aum. Awa a amu, engel nug eɗua ukkom.

Aisaia 45:24

‘Yawe Nugib genab tutukku hak kobol diig daatte. Nugib am ɠagattag ele,’ ” aon akkulag. Amu laa oh ag Yawenu oo nauhak okkai dootteb, ag amu uɗalag nekku.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.