Sam 86:15 - Nobonob Baibel

¹⁵ Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Sam 86:15 Referans Kwoze

Sam 130:7

O Israel danab ah, Yawe Nug danab ah dilagnu oo mauhaknab dootte. Ao, Nug danab ah qagaiettakppanu eɗua uhuqak hette amu, amuam elelenab amunu, ag Nug nuhig hak amu heeb gog tekkunu dabmenan oiyeg!

Sam 103:8

Yawe Nug ihinignu oo bodoetta le mak kobol, oo bodoette enanag maɗoɗ ele hak kobol ele dim lamidtte. Nug oo paha ii nauhtte, amu nuhig oo mauhaknab kobol am amba, leta nette.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Sam 145:8

Yawe Nug haen oh aɗi hette amu, Nug oo bodoette enanag maɗoɗ ele hette. Nug danab ah dilagnu oo gai-iitta doya oo matta ehanadtte. Nuhig oo nauhak paha ii bette, Nug danab ah dilagnu oo mauhaknab dootte.

Nehemaia 9:17

Ag nahip nai dooglagnu uuppig. Ag hak kuɗum laa, danab hekkunu elele iitta, hak amu na ag noolagppa heme anidppig ele, ag hak amu daulag atiom. Ag na oɗen dim lamidmananu dabmak ahilag ɠagattag eppe henan, ag nahip nai tappaeg neene, ag danab laa nug ag noolag awa diieb, ag eɗun, Isip wanppa gona, eɗun ahilkad begbeg maɗi nid daaglagnu tituanppig. Ag amu oh heppig, amge na Kayak, ⌊na am kayak laa bia iitta. Iitta!⌋ Na danab hipunin hette ele, ⌊nug oo eɗueb,⌋ na hipunin amu uhuqna medattem. Na oo bodoette enanag maɗoɗ ele hak kobol dim lamidttem. Na danab ah dilagnu oot bodoetta, le mette. Na oot paha ii nauhtte. Nahip oo mauhaknab kobol am amba, leta nette. Na anam daattem amunu, na ig mamenkad aɗi amu, na ag ii uuadme.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Sam 130:4

Amge na am hipunin uhuqa mekkaknu diig daattem amunu, ig danab, ig nahipnu ig ebehinig oh bodoetta le mette.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

1 Stori 21:13

Gad nug anam a, Dawit nug aum. “Da uug naunab nau doottem. Amge Yawe Nug oo gai-iitta doya oo metta ehanittak kobol okkainab aɗa dim lamidtte amunu, ig Nug eppegppa bu aognignu ool hette. Da danab eppelagppa bu aognignu ool ii daatte. ⌊Nug heeb, oɗe ig iqakkunu ool hette⌋,” awa aum.