Sam 86:14 - Nobonob Baibel

¹⁴ O Kayak, beɗuppa tak danab ag da banel uɗitteb. Ao, oo doyak ii doyaya nau hak danab ag da iuppeg mauhkkulnu hetteb. Danab amu ag nahipnu dab-ii-metteb.

Sam 86:14 Referans Kwoze

Sam 54:3

Aɗinu? Dada danab ag da banel uɗitteb. Ao, danab ag oo doyak ii doon nau hetteb ele, danab amu ag da iuglagnu hetteb. O Kayak, danab amu ag nahipnu hamu bia dootteb. Sila.

Sam 36:1

Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Esekiel 8:12

Ag anam heegeg, Kayak Nug da amelppa aum. “Danab bekka, na Israel dilag ikki danab ag lokkumakppa attem hetteb, ag anen anen ag ahilag kayak hambuppuak noolagppa dup nona binalag metteb amu, na aakku anidme. Ag amu hettebnu diig am, ag atteb. ‘Yawe Nug wan imu uua ukkom. Nug ig ii anigtte,’ aon atteb,” awa aum.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 119:85

Nahip ɗo ag anam ii hemananu atte, amge beɗup tak danab ag moɗ uma noak, da amuppa noin qekkulnu buuadppig.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Sam 119:51

Beɗuppa tak danab ag awa awa qettak nai dahilnu atteb, amge da nahip ɗo dim lamittaknu ii uuttem.

Sam 36:11

Na danab ah beɗulagppa tak ele ag uuadppe, da tappiɗna oɗoɗilmananu oɗ medattem. Ao, na nau hak danab uuadppe, da lamiɗppeg laih gopanu unuqidttem.

Sam 10:13

Amu nau hak danab ag nau hena, ag Kayak, ag Nug ihaklel qettan, ag Nug bu ii mattamanu aon atteb amge attemun? Ag aɗinu anam hetteb? Ag attem hena, ag, “Yawe Nug attemtai laa ihinignu ii ama,” dabmenan oitteb?

Sam 10:11

Am nau hak danab ag akka ag ahilagnu, “Kayak Nug danab ah amunu ii dabmette. Nug ig ahilagppa aɗi heutut amu, Nug ii anigtte! Nug amunu aɗitai ii ama!” atteb.

Sam 10:4

Am nau hak danab, ag dada kobol dim lamidtteb amu, ag Kayak anidna dim lamidkkulagnu Nug ii maditteb. Ag, “Kayak laa ii daatte,” anana, ag anam hetteb.

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 16:20

Husai nug anam a, Apsalom nug eɗua, Ahitopel oɗ mettom. “Nahip dabmakppa, ig attem hekkunig? Ig gemu aɗi ib dim lamidkkunig?” awa oɗ mettom.

Sam 54:5

O Kayak, dahil kekeɗ ag da guittak meɗaglagnu maidtteb ele amu, ahilag maittak amu akka ahilagppa heppe bekkunu oɗ medattem. Ao, na dahilnu oo metta ii uuak kobol dim lamidna heppe, ag iitta mekkulagnu unuqidttem.