Sam 86:13 - Nobonob Baibel

¹³ Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 86:13 Referans Kwoze

Luk 1:58

Menue amunu Elisabet mudippanu amu nuhikkudppa ele ag Naɗi nuhignu oo gai-iitta doya oo metta ehanittom doona, ag nug ele maɗoɗppan gamag ahak dooppig.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Sam 116:8

O Yawe, na ena heiɗme. Aɗinu da anam attem? Na da ehaniɗe, da ii mauhmi. Na da ehaniɗe, da ii gaattem. Na da ehaniɗe, da ii nein qettem.

Sam 57:10

Da amu hekkulnu diig am inam. Keeke laa elabnab habppa tak daakku dayeb amu, keeke amuam keeke okkainab, nahip oo mauhaknab kobol bia. Ao, keeke laa ikki ta, hab yaakku dayeb amu, keeke amuam keeke okkainab, nahip oo metta ii uuak kobol bia.

Job 33:28

Kayak Nug da qagaiettakppanu eɗua uhuqak ha meɗom, amuppa da mauhpanu uhuqiɗe, da ii mauhmi! Gemu da bau daye, enanag doottem!’ Danab amu nug anam atte.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

Sam 30:3

O Yawe, da mauhkkulnu heiyi, na hee, da ii mauhmi. Ao, da mauhak abenppa gokkulnu heiyi, na hee, da ii mauhmi.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 88:6

Na da moɗ umanab noak amuppa meiɗme daattem. Ao, da moɗ ooppa aben gatatunabppa nomi daattem.

Job 33:24

ehanittak laa amu nug danab amunu oo bodoette enanag maɗoɗ ele hak kobol dim lamitta, nuhigppa kobol enanag ha, Kayak amegppa akku. ‘Danab imu nug moɗppa ii nomanu, da nug ou laa elele anidmi amunu, na nug uuppe, ii mauhmanu oɗ medattem,’ awa akku. ⌊Nug anam akku amu, Kayak Nug heeb, oɗe danab amu nug aakku ena daakku.⌋

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Job 33:18

ag mauhna, moɗppa niimnanu, laa qep elabppa heeb, ag mauhak abenppa wana daamnanu, Nug anam hette.

Job 33:22

Danab Kayak bu anam mette amu, oɗe amu he, nug mauhkkunu miag daatte. Ao, nug mauhak ib oɗeppanab aakku daatte.

Sam 108:4

Da amu hekkulnu diig am inam. Keeke laa elabnab habppa tak daakku dayeb amu, keeke amuam keeke okkainab, amge nahip oo mauhaknab kobol am keeke amu eɗidtte. Ao, keeke laa ikki ta, hab yaakku dayeb amu, keeke amuam keeke okkainab, amge oo metta ii uuak kobol nahip am amu eɗidtte.

Sam 30:4

Danab ah ag Yawenu oo metta ii uuak kobol dim lamidtteb ele, ag Yawenu ahi etteg! Yo, ag Yawe, Nug oppiaawak daatte amu, ag Nug binag meig!