Sam 86:1 - Nobonob Baibel

¹ O Yawe, da am daɗek, keekenu tutu mak daattem amunu, na dahil unuqittak doon, ehaniɗkkutnu oɗ medattem.

Sam 86:1 Referans Kwoze

Sam 31:2

Na dahil unuqittak imu doon, na paha da padal mepanu ehaniɗkkutnu oɗ medattem. Ao, na da kekeɗ niɗamanu ehanittak dahil daakkutnu oɗ medattem. Ge, na aab aɗ ɠagattagnab dahil bia daappe, da nahip ehanittakppa ena daakkulnu unuqidttem.

Sam 40:17

Amge da am daɗek, keekenu tutu mak daattem; Naɗi Nug da dabmeɗakkunu ool daatte. O Kayak dahil, naib dahil ehanittak daattem. Naib na ehaniɗe da qagaiettakppa ii daattem; na da ehaniɗppe padal ii mepanu haen elab ameg mak ii daapanu unuqidttem.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Aisaia 37:17

O Yawe, da na Asiria dilag king Senekaripnu nai doon, dabmekkutnu ool daatte. O Yawe, na neegna, Asiria ag aɗi hetteb anidna dabmekkutnu oɗ medattem. Asiria dilag king Senakerip nug na, na Kayak bauklel ele, nug na awa awa nittak naunab nidakkunu nai me uɗiom amu oh, na amu neegna anidna doon, dabmekkutnu oɗ medattem.

Sam 142:1

Da Yawe Nug da ehaniɗkkunu huanak ettem. Yo, Nug dahilnu oo gai-iitta doya, oo meɗa ehanittak okkai meɗakkunu gayeye, oɗ medattem.

Sam 140:12

Amge imunu amu da doottem. Yawe Nug daɗek danab ah ehanatteb, hettoɗiak abenppa epeɗiak danab ag nai doya mala hettoɗia epeɗia elele mettak kobol dim lamidnana, ahilag nai bappaidkkulag. Ao, Nug laa ag keekenu tutu mak ele, ag hettoɗiakppa daappeg, Nug ag ehanadkku.

Sam 119:22

Da nahip ɗo dim lamitten daattem amunu, na heppe, danab ah ag dahilnu, “Keeke hamunab,” doon heppeg, da uɗal nemanu oɗ medattem.

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 17:6

O Kayak, na da oɗelppa aon ehaniɗttem amunu, da na unuqidttem. Anam amu, da unuqidppippi, na daut human dookkutnu oɗ medattem.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Sam 25:16

O Yawe, da bael laippu dayeye, uug okkai doottem amunu, na neekkiɗna, dahilnu oot bodoetteb enanag maɗoɗ ele hekkutnu oɗ medattem.