Sam 84:7 - Nobonob Baibel

⁷ Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Sam 84:7 Referans Kwoze

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Sam 43:3

O Kayak, na amahlak nahip, amu doyak diig genabib nahip ele meppe nekkunu oɗ medattem. Na keeke amu oh meppe uɗiya, aa da atognoiɗya omaiɗpeɗ, qauko Sion, qauko amuam nahipnu tituanak daatte, na amuppa daattem amu, da amuppa gokkul.

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Sam 42:2

Ao, danab le baag diieb, le antta lakkunu oo huana daatte, anamnab, da Kayak gumitte ukken daakkulnu ool huana daatte. Nug am Kayak bauklel. Ganeb da Nug noobppa daakkul?

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jeremaia 31:6

Aɗinu? Amu haen laa dimppa haen laa bekku, amu haen amuppa aɗi uɗitte anittak danab Epraim wanppa, qauko nakok daattebppa daatteb ag, ‘Ahappeg, ig Sion tetu! Ge, ig Yawe, ihinig Kayak, ig Nug gukuidtta gotu!’ aon ekkulag.” Yawe Nug anam atte.

1 Tesalonaika 4:17

Kayak Nug heeb, ag eɗun hippaidppeg, ig laa oh bau daagnig amu, ig ag ele oh lombigppa teta, appa Naɗi Jesus ele nug uɗa teta tamanit, Nug ele hanhan daagnig.

Jon 6:39

Aria, laa Nug da meiɗe uɗimi amu, Nug oo niitte ele amu inam. Danab ah oh da meɗom ele amu, ag ohnab dahilib daaglag. Laa ii qettoɗma. Wan haen malakppa da ohnab maɗadappi, ag eɗun hippaidkkulag.

Sekaraia 14:16

Aria, anam ba ukkeb, wanppan wan laala dilag kekeɗ, ag Jerusalem banelag uɗippig, amu laa ag oɗe amuppa ii mauhkkulag amu, ag eɗun, maɗ anen anen Yawe Nukka Ɠagattag Oh Ele, Nug am king, ag Nug noobppa dup nona binag mekkulagnu, ag Pehppa Dayaknu Hobul gamag ahak ele hekkulagnu Jerusalem tekkulag.

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Luk 2:24

Aa anam hekkulahnu teya amu aa Maria beɗu babaittak daakkunu mana mettak amu ele hekkulahnu tepiɗ. Naɗinu ɗoppa, amu haknu yaak inam daatte. “Ag uppuɗil beɗulag nakok aɗit main Kayak mettaglag o iitta uppuɗil beɗulag okkai nag aɗit main metteg!”

Sam 122:2

Ag anam appig amunu, ig uɗit, gemu ig Jerusalemnu aɗ od ooppa iikku daattem.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Esekiel 34:26

Da ag, amu aben oh dahil qauko Sion talilittak daatteb ele itadppi, ena daaglag. Da heppi, gu nuhig haenppa elele neeb, itittak ena ele aakkuib daaglag.