Sam 84:2 - Nobonob Baibel

² Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Sam 84:2 Referans Kwoze

Aisaia 26:9

Tuqanppa, dabmak dahil oh nahip-ppa dayeye, da na ele daagnihnu ool huan daatte? Wagɗeb buttua amu, da ouɗil na ele oh daagnihnu oo huana hette. Aɗinu? Haen na nai doya mala hettoɗia epeɗia elele mettak kobol dim lamidna, wan danab ah oh toliadna gumadttem amu, haen amuppa wanppan danab ah ag genab tutukku hak kobolnu dabmak aotteb.

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Sam 119:20

Da hanhan nahip ɗo dookkulnu ool huana heehe, oolppa amunu guittak bia doottem.

Solomonnu Ahi 5:8

O Jerusalem ah, da ag laa, nug dahilnu oo mauhtte ele, ag nug anidna, ag nug amegppa dahilnu, “Nug nahipnu oo mauhak huanak doyeye, beɗu gai-iitta meum daatte,” appeg dookkunu wan yaan meɗan, da amelppa ɠagattag akkulagnu ag amelagppa attem.

Job 23:3

O gadon, da Kayak adeppa daatte doolom am ena. Ge, da Nug daatteppa gokkulnu elele doyen, appa golom am enanag.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Namba 24:5

O Jakop buɗuppud, danab laa nug peh lag oh, ag Israel, ag amuppa daatteb ele amu anadtte amu, nug enanag anadtte. Yo, danab laa nug peh lag oh, ag appa daan oitteb ele amu anadtte am, nug keeke enanag anadtte.