Sam 84:11 - Nobonob Baibel

¹¹ Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 84:11 Referans Kwoze

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

Sam 85:12

Yawe Nug genab keeke ena ig megakku. Nug mekkebeb, wan ihinigppa ee meu ena ena bekku.

Prowerb 10:9

Danab nug dabmak oiyak nuhig ele am tutukkuib amu, nug ɠagattag daakku; amge laa nug oiyak nuhig kaliak ele amu, nug bu aokku.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Sam 119:114

O Yawe, na am dahil padal mak eɗitta ena dayaknu ehanittak, na dahil guppiɗ ele daattem. Da nahip nainu dabmein, ena daakkulnu dabmak aɗe oittem.

Prowerb 28:6

Laa daɗek danab daatte, amge nug Kayaknu neekkakppa danab ooppa kaliak laa iitta ele daatte, amuam enanag; amge laa nug danab enub ele, me nug danab nug eheɗ haknu tiigppa daatte, amuam naunab.

Maika 2:7

⌊Amge,⌋ O Israel danab ah, danab laa nug inam akkutai. “Yawenu Ouɗi Nug ihinignu oo nauhom daattete? ⌊Iitta!⌋ Genab, nai uug ele ihinignu amu, Nug anam he anidttemte? ⌊Iitta!⌋” Laa anam akkutai, amge nug anam akku dayeb am, nug ena akkute? Iitta! Am ena iitta. Amu Yawe Nug inam atte. “Danab genab tutukku hak kobol dim lamidtte ele, nuhignu amu, nai dahil nug ehanidtte,

Galesia 2:14

Aria, ag Nai Ena ippunigtte amubia ii oippig anidmi amunu, da ag noolagppa Pita amegppa ami. “Na Juda danab, amge na iitta aɗi ⌊ag Kristen daatteb, amge ag Juda dilag dimittimnuib ɗo oh ii dim lamidna oitteb amu,⌋ na ag oitteb bia oittem. Anam amunu, na attem hena, na gemu iitta aɗi, ag Juda kobol amu dim lamidkkulagnu ɠagattag hettem?

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Sam 47:9

Wan atu ohppanu danab okkai ag danab ah Abrahamnu Kayak dim lamidtteb ele, ag Nug ⌊binag okkai mekkulagnu⌋ uɗin, Kayaknu danab ah ele laippu qagmena daatteb. Aɗinu? King laa oh ag ele Kayak waappaib daatteb, Nug ag gumadtte. Kayak Nug attannab daatte. Nug keeke laa oh eɗadtte.

Duteronomi 18:2

Ag Israel laa oh oolagppa wan laa, ag aulag daakkunu, laa ii aɗamna. Yawe Nug ag amelagppa hekkununab nai anan qakkom bia, nuhig atognoattak, amuam ag aulag daatte.