Sam 82:8 - Nobonob Baibel

⁸ O Kayak, wan imuppan wan anen anen ohnu danab ah ag nahipadnab daatteb amunu, na ahan hippaidna, wannu epeɗiak hekkutnu oɗ medattem.

Sam 82:8 Referans Kwoze

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Sam 2:8

Na da oɗ meɗappe, da wanppan wan oh tituanatte, na aut daaglagnu na medakkul. Ge, wan atu oh am nahip daakku. Na kingnu qakun aenppa hak aɗan, wan oh dilag danab ah elelenab ɠagattag gumadkkut. Ao, na danab ah nau hetteb amu, na heppe nauhkkulag; danab nug waa makkuɗe aoɗtte, amubia.’ ” Yawe Nug da amelppa anam awa aum.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Sam 22:28

Aɗinu? Yawe, Nug am king. Nug wan imuppan wan anen anen oh gumadtte.

Sam 102:13

Na geha ahan, Sion danab ah dilagnu oot bodoetta le meeb ehanadkkut. Na amu hekkutnu diig am, gemu aakku na haen amu mena bappaidme daatte. Ao, na ehanadkkutnu gemu aakku anam hekkutnu nai ana tituanme.

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Sam 94:2

O laa, na wan oh epeɗiadttem ele amu, na ahakkutnu oɗ medattem. Ao, dada hak danab ag bu aoglagnu daatteb amunu, na ahilag hak nau eleleppa bu madakkutnu unuqidttem.