Sam 80:9 - Nobonob Baibel

⁹ Na grep amu ena mekkunu aben qena ooɗitte, grep diɗi wan unuqag ukka, grep muɗi amu nahip wan oh tona malom.

Sam 80:9 Referans Kwoze

Josua 24:12

Ag Amo dilag king aɗit Jodan leppanu kaɗag uɗitteppanu eɗatppig bia, da hei, ahilag kekeɗ, ag ahilagnu baɗaegeg, ag eɗadppig. Ag ahilag qep elabte, o iitta latte, amuppa ag hena, ag ii eɗadppig. Iitta! Da hei, ag eɗadppig.

Aisaia 27:6

Amu qinob dimppa, haen laappa ⌊Yawe Nug heeb⌋, Jakop buɗub ag ad diɗi wanppa noum daatte bia daaglag. Ao, Israel danab ah ag am ad haɗag qa, meu metta, meu huanak otte, ag amubia daaglag. Amu haen amuppa Israel ag anam daappeg, ahilag meu ena wan oh tonadkku.

Jeremaia 12:2

Ag am ad na eppalatte, ag diɗilkad wan ooppanab noppig bia daatteb. Ag ena bena, meu otteb. Ag nahipnu hanhan oɗelagppa maditteb, amge ag oolag am na ele laippu iinab daatteb.

Aisaia 37:31

Juda danab ah oɗo yaak daaglag amu, ag gikkiɗah keeke, hiɗaeg be, wanppa niiaya, diɗi eɗua wan ooppa noa he, gikkiɗah eɗua bau dayaya meu otte, Juda amubia baula appatna, ena daaglag.

Sam 105:44

Nug nuhikkud danab ah, wanppan wan laala danab Nug ii dim lamidppig ele, Nug amu dilag wan amu mattom. Ao, Nug wan amu matte, ag laa ee eppaladppig amu, ag meu amu tuqappig.

1 Stori 21:5

Nug eɗua, Jerusalem ta, nug Dawit amegppa Israel danab gane ag ban daup daaglagnu elele daappig a doyom. Amu ebqak ahilagppa Israel dilag daup, ag qep elab aɗan, ban hekkulagnu elele daappig amu, ebqak ahilag am 1,100,000. Aria, Juda danab ag qep elab aɗan, ban hekkulagnu elele daappig, ahilag ebqak am 470,000.

1 King 4:25

Haen Solomon nug king dayeye amu, Juda danab ah, am Israel danab ah ele, aab onig Dan, appanu ukka ukka, Berseba aabppa batak, ag oh baɗak iittappa daappig. Amunu danab oh anen anen ag ahilag ad fig, amu muɗi grep ele waappa daanna, ag gumappig. Haen amuppa keeke eheɗ laa ahilagppa ii beum. Iitta.

1 King 4:20

Juda, Israel ele ag am appatna, danab ah huanak, kuɗumnab daappig. Ebqak ahilag am kuɗumnab, am abuɗ yu ihippa daatte, amubia. Ag ee, le ele, elele lanana, gamag ahak ele ena daappig.

2 Samuel 7:10

Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Amu da Yawe, da heppi, na buɗunad oolagppanu laala ele, ag anen anen ahilag haenppa, ag Israel dilag king hanhan bena daaglag.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Aisaia 27:2

Haen amuppa ⌊Yawe anam hewowa, Nug inam akku.⌋ “Ag grep dad enanagnu ahi etteg!

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.