Sam 80:18 - Nobonob Baibel

¹⁸ Na anam hekkut dayeb amu, ig na ii dimettamta. Na ig bau dayaknu, na bau ig megappe, ig baula na onin diignig.

Sam 80:18 Referans Kwoze

Sam 119:154

Danab ah ag da eheɗ nau hemi anan, da mauhkkulnu atteb, amge na heppe, ag hambuppuak madittebnu miag atikkunu, na da qagaiettakppanu eɗua uhuqak hena meɗakkutnu oɗ medattem. Ao, na da bau daakkulnu nai ame amu, na amu hekkutnu unuqidttem.

Sam 119:107

O Yawe, da guittak naunab doottem. Na da ehaniɗppe, bau daakkulnu ame amu, na anam hekkutnu oɗ medattem.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Sam 119:156

O Yawe, na am oot bodoetta, le ma auta autanab aotte. Ao, na hanhan nai doya mala hettoɗia epeɗia elele mettak kobol dim lamidttem. Amu nahip kobol amu ippunigtte bia, na heppe, da bau daakkulnu oɗ medattem.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Esra 7:9

Nug maɗ amunu kalam digmaknu deɗ digmakppa Babilonnu ahom. Nug ahe, Kayak, nuhig Kayak, Nug ehanittom amunu, nug uɗia uɗia, nug maɗ amuppaib kalam ebqak tanig ele, kalam amunu, deɗ digmakppa Jerusalem teum.