Sam 80:14 - Nobonob Baibel

¹⁴ O Kayak Nakka Ɠagattag Oh Ele, ig nahipad danab ah, ig grep muɗi amubia daattem amunu, na uɗippe, ig ele daagnignu unuqidttem. Ao, na ig eɗun anigna, ig ele laippu daagnignu, na hab attannu neegppe neeb, ig anigkkutnu oɗ medattem. Ge, na ig, nahip grep muɗi, na ig atognoigkkutnu oɗ medattem.

Sam 80:14 Referans Kwoze

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Malakai 3:7

Am ag mamelkad aɗi ag dahil ɗo dimettan, dim ii lamidppig, ag ele anam hetteb. Gemu ag dahilppa eɗun uɗippeg, da ag ahilagppa eɗue wakkul.” Yawe Nukka Ɠagattag Oh Ele Nug anam atte. Nug anam atte, amge ag Nug oɗ medatteb. “Ig attem heta, nahip-ppa eɗut wakkunig?” aon atteb.

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Aposel 15:16

Naɗi Nug atte. ‘Danab oɗo yaak daaglag ag Naɗi mattin anidkkulagnu hekkulagnu, amu iitta aɗi ag da onil waappa daatteb ele, ag ele da mattiɗna aniɗkkulagnu hekkulagnu, da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.’ Naɗi Nug keeke amu oh heeb bekku amu, Nug anam awa atte.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Gayak Nai 3:50

Da amel leb anamib naan dayeb ukkeb, Yawe Nug hab attannu neekkeb neeb, anikka ehanikkeb batak.

Sam 33:13

Yawe Nug hab attannu neekke ne, wanppa danab ah oh anadtte.

Sam 7:7

Na aabaab danab ah qagmaadppe, ag na talilittak daappeg, na attan daappe, ag na waatppa dayeg!