Sam 8:1 - Nobonob Baibel

¹ O Yawe, na ihinig Naɗi, danab ah wan atu ohppanu ag na am dagom onin ɠagattag ele dootteb. Ao, nahip binag amahlak oppiaawak ele hab eɗittak daatte.

Sam 8:1 Referans Kwoze

Sam 8:9

O Yawe, na ihinig Naɗi, danab ah wan atu ohppanu ag na oninnu am enanag dootteb.

Sam 148:13

Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Sam 57:5

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag nahip binag amahlak oppiaawak ele anidkkulagnu unuqidttem.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Aisaia 26:13

O Yawe, na am ihinig Kayak. Okkai laa ag ig gumigppig, amge ig na oninib binag mettem.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Sam 81:1

Ig gamag ahak naɗi doota, ahi ettatta, Kayak binag metu! Nug am ihinig ɠagattag. Ao, ag Jakop buɗub dilag Kayak binag mekkulagnu baalag okkaippa eig!

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Sam 84:1

O Yawe Nakka Ɠagattag Oh Ele, nahip mettid lag amu enanag, anttaknu ena.

Sam 68:4

Ag Kayaknu ahi etteg! Ag onig humeg! Ao, Kayak Nug lombig qaɗeppa dayaya gotte; ag baalag okkaippa nuhignu binag maknu ahi etteg! Nug onig am Yawe. Ag Nug noobppa gamalag ahaɗ!

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

Epesus 4:10

Nug tatam wan ooppa nowowa, Nug, laa iitta, Nugib eɗua attan ele teum. Nug keeke oh nuhigppa ambak daakkunu, Nug hab attan eɗatta attannab teum.

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Matyu 22:45

Ag iikkud antteg! Danab nug, nug bekkanu, ‘Naɗi’ ii atte, amge Dawit nug nukka, nug Kristusnu, ‘Naɗi,’ aum amunu, ig attemun Kristusnu, ‘Nug am Dawit bekka,’ akkunig?” awa aum.