Sam 79:9 - Nobonob Baibel

⁹ O Kayak, na am Padal ii maknu ehanittak ihinig daattem. Laa ag na am binan amahlak oppiaawak ele dooglagnu, na ig ehanigkkutnu oɗ medattem. Ao, laa ag nahipnu dabmak anuqak aoglagnu, ig kekeɗ eppelagppa daamtanu, na ihinig hipunin uhuqna megakkutnu, ig na unuqidttem.

Sam 79:9 Referans Kwoze

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Sam 25:11

Da hipunin kuɗumnab hemi amunu, O Yawe, na oninnu dabmak anuqak awaknu amu, na hipunin dahil uhuqadna meɗakkutnu oɗ medattem.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Esekiel 20:14

Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu da amu ii hemi.

Jeremaia 14:21

⌊Amge⌋ da na oninnu dabmak anuqak aonna, na ig ii geɗigmananu oɗ medattem. Ao, na ag uuadppe, laa ag uɗin, nahip lag enanagnab, na aguppa daattem amu, ag amu heppeg nauhmanu unuqidttem. Na hee, ig ele nug tituanta nai qakkamut amu, na nai amu dabmenana, ii okkulmananu oɗ medattem.

Aisaia 48:9

Ag Juda ag eheɗ amu hetteb, amge da, da onilnu dabmak anuqak awewe, da ag Juda, da ag paha eheɗ ii hadattem. Ao, danab ah ag dahil hak pehettak doon, ag hak amu binag mekkulag amu, ag binag mak amu hekkulagnu da dabmak anuqak awewe, da bu elele paha ii madattem. Da ahilag haknu nob elele mattalom amu da hadappi, ag iitta melob, amge da amu bemanu da paha nob anam ii madattem.

Daniel 9:19

O Naɗi, na dahil unuqittaknu dookkutnu oɗ medattem. O Naɗi, na ihinig hipunin uhuqna megakkutnu oɗ medattem. O Naɗi, na dahil unuqittak doon, ehanigkkutnu oɗ medattem. O Kayak dahil, laa ag na oninnu anuqak dooglagnu, na paha ehanigkkutnu oɗ medattem. Aɗinu? Na onin am aab okkai nahip-ppa, amu danab ah nahipad eleppa daatte.” Da anam unuqidmi.

Esekiel 20:9

Da amu dabmein ami, amge da ii hemi. Da anukka Israel ag laa oolagppa daan oiyegeg, da ag amelagppa da ehanadppi, ag Isip wan uuglagnu ai, ag, am danab ag oolagppa daan oippig ele dooppig. Ag dooppig amu da dabmemi helom am, danab ah laa amu ag da onilnu am keeke hamu bia doolob amunu, da, da onilnu dabmak anuqak doyen, da nob amu ii mattami.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Sam 65:3

Hipunin ihinig tonikke, ig naunab daamut, amge na ihinig hipunin uhuqadna mekkame.

Sam 31:3

Na am kekeɗ niɗamanu ehanittak dahil, aab aɗ ɠagattagnab ele dahil bia daattem amunu; na oninnu dabmak anuqak awaknu hena, na anuqna, ib ena ippuniɗna, omaiɗkkutnu oɗ medattem.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

Daniel 9:9

Ig na dimettat, nahip nai tappaut neum. Ig na, Yawe, na ihinig Kayak, ig na oɗen ii dim lamidmut. Ig nahip ɗo, na nahip propet, ag nahip maɗi nid amu, na ag oɗelagppa ɗo amu ig mekkaeg, ig amu dabmetata, ii dim lamidmut, amge O Naɗi, na ihinig Kayak, na danab dilagnu oot gai-iitta doon oot mattan ehanadttem. Na danab ah dilag hipunin uhuqna madattem.

Esekiel 20:44

O Israel danab ah, ag amu dabmena, ag da, da onilnu dabmak anuqak awen, da ahilag hak nau, eheɗ hak ahilag ele, da amunu heppi, ag padal mena iitta mekkulagnu elele, amge da anam ii hemi amu, ag amu dabmena, ag dooglag, da am Yawe.” Naɗi Yawe Nug anam atte.