Sam 79:5 - Nobonob Baibel

⁵ O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Sam 79:5 Referans Kwoze

Sam 89:46

O Yawe, na nakka na lokkumidttem; amu haen gane laa ele ukkeb, na amu ii hemana? Na hanhan na nakka, na lokkumidkkutte? Nahip oppoɗi bak am aab diditte bia daatte; amu haen gane laa ele ukkeb, nahip oppoɗi bak am anam ii daama?

Sam 85:5

Na ihinignu hanhan oot nauhkkute? Na heppe, nahip oo nauhak am hanhan bodo-ii-ettamate?

Sam 74:1

O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.

Sam 80:4

O Yawe Kayak Nakka Ɠagattag Oh Ele, na nahipad danab ah dilag unuqittaknu oo nauhak doottem; amu haen gane laa ele ukkeb, oo nauhak amu iitta mekku?

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Aisaia 64:9

O Yawe na oo nauhak okkainab, melemel elele iittappa doomnanu, na hanhan hipunin ihinig dabmenan oimnanu oɗ medattem. O Yawe, ig am nahipad danab ah daattem amunu, na dabmegakkutnu unuqidttem.

Sam 103:9

Nug nai elele ha, malatte; tuɗid ii hette. Nuhig oo nauhak amu haen elab ii daatte.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Duteronomi 32:16

Israel danab ah ag wan laala dilag kayak hambuppuak noolkadppa dup noa binag mak kobol hena, amuppa ag heeg, Kayak Nug ahilagnu dahil doya laa aomanu doyak aɗa dayom. Ao, ag kayak hambuppuak dottolkad, Kayak Nug amunu ooppa uuaknab dootte, ag amu noolagppa dup nona binalag meppig amunu, Nug oo nauhom.

Sam 6:4

O Yawe, na dona ehaniɗna, qagaiettakppanu awiɗkkutnu unuqidttem. Ao, na oo mauhaknab kobol dim lamidttem amunu, diig amunu na da ehaniɗppe, da ii mauhpanu oɗ medattem.

Sam 80:5

Na hee, ig gayak okkai heutut, ig amenig leb am ihinig ee bia daatte. Ao, na hee, ig gayak okkai heutut, ig amenig leb am le oug lattem, amubia daatte.

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Gayak Nai 5:22

Aɗinu? Antte! Na ig uuigna aut autnanab aome. Ge, na oo nauhak huanaknab ihinignu doome.

Sekaraia 1:12

Yawenu engel nug nai amu doya, nug Yawenu inam unuqittom. “O Yawe Nakka Ɠagattag Oh Ele, na anukka Jerusalem danab ah dilagnu, Juda danab ah laa ele dilagnu oot nauhe uɗie uɗie, gemu ele anam doottem. Oo nauhak nahip aakku maɗ 70 iikku dayaya, ii iitta meum; amu haen gane laa ele ukkeb, na heppe, nahip oo nauhak iitta meeb, na Jerusalem danab ah, Juda danab ah laa oh dilag ele oot gai-iitta doon oot mattan ehanadkut?” awa oɗ mettom.