Sam 79:11 - Nobonob Baibel

¹¹ Na danab ah ag maniguittakppa daan, ag aeqagatteb amu, na amu dookkutnu oɗ medattem. Ao, na nahip ɠagattagppa laa ag mauhkkulagnu anak waappa daatteb amu, na ag uhuqadppe, ag ena daaglagnu unuqidttem.

Sam 79:11 Referans Kwoze

Aisaia 33:2

O Yawe, na ihinignu amu, na oo bodoette enanag maɗoɗ ele hak kobol dim lamidkkutnu oɗ medattem. Ig na ele laippu daagnignu oonig huanaknab daatte. O Yawe, buttua oh na ihinig ɠagattag daakkutnu oɗ medattem. Ao, na uug nau ihinigppa bette amu, haen amuppa na ihinig padal mematanu ehanittak daakkutnu ele unuqidttem.

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Sam 102:21

Yawe Nug anam hekku amunu, Sion appa danab ah ag Nug onig mehuqkkulag. Ao, Jerusalem appa ag Nug binag mekkulag.