Sam 79:10 - Nobonob Baibel

¹⁰ Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 79:10 Referans Kwoze

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Sam 115:2

Ihinig Kayak Nug hab attan daya, Nug aɗi keeke hekkunu hette amu, Nug hette amunu, wanppan wan anen anen dilag danab ah ag aɗinu, “Kayak ahilag amu adekku?” aon atteb?

Sam 94:1

O Yawe, na danab ah aun aɗi ag eheɗ hetteb ele, na ag heppignu nob tutukku bu mattaknu Kayak daattem. O Kayak, na nahip hak ɠagattag amu epponna, danab ah eheɗ hetteb amu, na ag heppignu nob tutukku bu madakkutnu oɗ medattem.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Eksodas 7:5

Da Isip eheɗ matten, Israel omaladppi, Isip wan uun gokkulag, haen amuppa Isip ag da am Yawe dooglag,” awa aum.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Esekiel 36:23

Ag Israel ag heeg, da onil wan laalappa danab ah dilag neekkakppa hamu bia dayom, gemu ele daatte. Anam amunu da heppi, danab oh ag da onil okkai, oppiaawak daatte dooglag. Ag Israel ag heeg, da onil danab amu dilag neekkakppa nauhak dayom, gemu ele daatte, amge da Yawe, da ag Israel, da ahilagppa da am oppiaawak daattem ippunadppi, wanppan wan ohppan danab ag da oppiaawak daattem anidna, ag dooglag, da am Yawe.’ ” Naɗi Yawe Nug anam atte.

Jeremaia 51:35

Babilon ag ig Juda, ag eheɗnab heigppig amunu, eheɗ hak amunu nob nau Babilon dilagppa baɗ! Ao, Babilon ag ig oikkeg, ig tiinig ne, ig kuɗum mauhmut amunu, eheɗ hak amunu aab Babilon beɗulagppa dayaɗ!” aon akkulag.

Sam 58:11

Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.

Sam 42:4

Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Gayak Nai 1:22

Laa dilag hak nau na noomppa miagib baɗ! Ge, na ig hipunin heut, diig amunu bu okkai imu mekkame, amubia laa amu dilagppa, na ahilagnu ele anamib hadakkutnu oɗ medattem. Ig Juda, ig aiqakkak okkai hettem, ig oonigppa ɠagattag laa ii daatte.