Sam 78:8 - Nobonob Baibel

⁸ Am ag mamelkad aɗi bia ii hemana. Ao, ag alalkad ag oolag ɠagattag eppe, nai tappaeg ne, ii dim lamidppig. Ag oolagppa Kayak, nuhigib ii dabmena, oo metta ii uuak kobol ii dim lamidppig. Ao, ag Nugib dim lamidkkulagnu oo metta ii uuak kobol ii dim lamidppig.

Sam 78:8 Referans Kwoze

Sam 78:37

Ag oolagppa Kayak, nuhigib ii dabmeppig. Ao, ag Nug he, ag Nug ele nug tituanna nai qagappig amu, ag nai amunuib dabmena oo metta ii uuak kobol ii dim lamidppig.

Eksodas 32:9

Yawe Nug Moses amegppa anam awowa, Nug nai tuɗitta aum. “Da danab ah amu dilagnu amu, da dottem, danab ah amu ag am oɗe dim lamidmananu dabmak ɠagattag eppak danab ah.

Esekiel 20:18

Da amu hein, da danab amu bekkalkad aɗelkad ele atu taɗakppa amelagppa ami. “Ag mamelkad aɗi ag ɗo nau iɗu iɗu dim lamidnana, ag kayak hambuppuak dottolkad binalkad maadna heeg, dahil neekkakppa ag oolag dubuttid ele daappig, amge ag amubia aib heppig.

2 King 17:14

Propet aɗi ag anam mattieg dooppig, amge Israel ag Yawenu nai dooglagnu uun, ag Nug oɗe dim lamidmananu dabmak ahilag ɠagattag eppe, ag mamelkad aɗi dilag kobol dim lamidppig. Ag mamelkad aɗi, ag Yawe, ahilag Kayak, ag nuhignu oolagppa genab ii dooppig. Iitta.

Duteronomi 31:27

Aɗinu? Ag Israel ag am nai tappe nak danab, amu ag oɗe dim lamidmananu, ag ahilag dabmak ɠagattag eppak ele daatte amu, da doottem. Gemu da ag ele daattem, amu haen imuppa, da daaiyi, ag Yawenu nai tappaeg ne oitteb amunu, da mauhppi amu, ag henana, nai tappe nak danab huanaknab daaglag.

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

2 Stori 30:7

Ag awalkad, amalkad, amu ag mamelkad aɗi ele heppig bia aib heppig. Laa amu, ag Yawe, ag mamelkad aɗi dilag Kayak, ag Nug ippuanattomnu oo metta ii uuak kobol ii dim lamidppig amunu, Nug he, uug naunab ahilagppa be, laa ag anadna, ag amelag iɗuak dooppig. Ag gemu amu anidtteb.

Duteronomi 9:24

Ag hanhan Yawe oɗe tappaeg nette anidttem. Ag kobol amu ii uutteb, hakib hetteb. Haen oh da ag doyadttem ele amu, ag anamib aakku hetteb.

Duteronomi 9:13

Yawe Nug da amelppa anam ana, Nug tuɗitta aum. “Da danab ah imu anadttem, amu genab, ag aakku danab ah oɗe dim lamidmananu dabmak ahilag ɠagattag eppom daatte daatteb.

Eksodas 33:5

Aɗinu? Yawe Nug matu Moses amegppa, nug Israel amelagppa akkunu ana, ahilagnu inam aum. “Ag am oɗe dim lamidmananu dabmak ɠagattag eppak danab ah amunu, da ag ele oh haen tutuib ouqeta golom, am da paha heppi, ag padal melobtai. Anam amunu, ag beɗulagppanu gol ring keeke, ag amu oh uhuqadppeg neeb, da geha ahilagppa aɗi hekkulnu dabmak awen hekkul,” awa aum.

Eksodas 33:3

Ag gobeppeg, da ag ele wan amuppa, wan amuam enanag, wan ittag ele, amuppa ee meu huana otte amu, da ag ele oh ouqeta, wan amuppa ii gomata. Aɗinu? Ag am oɗe dim lamidmananu dabmak ɠagattag eppak danab ah. Da ag ele oh ouqeta gota, ibppa ag eheɗ laa heppeg amu, da heppi, ag ibppa padal mekkulagtai,” awa aum.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Sam 68:6

Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.

Job 11:13

Anam daatte, amge na Kayaknu danabnab daakkutnu na meut ohppa hekkut dayeb; na Nug unuqidkkutnu na eppen bahippe, nuhigppa tekku dayeb,

2 Stori 20:33

Amge keeke laippu nug ii heum, nug aabaabppanu mettid lag nakok, nug amu ⌊oh⌋ ii loppaɗattom. Danab ah ele ag meulag ohppa Kayak, ag mamelkad aɗi dilag Kayak, ag meulag ohppa Nug dim lamidkkulagnu ii heppig.

2 Stori 19:3

Na nau amu heme, amge na ele he, Juda wanppa kayak hambuppuak Aserah dabmekkulagnu biidod ii daatte, na ele meut ohppa Kayak anidna dim lamidkkutnu Nug madittem amunu, Nug nahip ena hak laala amu ele anidtte,” awa aum.

2 Stori 12:14

Amge Rehoboam nug meu ohppa Yawe antta dim lamidkkunu Nug ii mattiom amunu, nug eheɗ heum.

Duteronomi 4:4

Amge ag laa oh, ag Yawe, ahilag Kayak, ag oolag Nug mettan, ena haknu ii uuak kobol hena, Nug dim lamidppig ele, ag amu, ag gemu bau daatteb.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Josua 22:15

Ag gona, Gileat wanppa tena amu, ag Israel dilag huu okkai Ruben, Gad, amu Israel dilag huu okkai Manase mahaib ele, ag amu amelagppa appig.

1 Samuel 8:8

Anukka, da Israel danab ah Isip wanppanu omalattitti, haen amuppa ag digmena, da dimeɗan, kayak hambuppuak noolagppa dup nona binag mak heppig, ag gemu ele anamib hetteb. Amu ag gemu amubia na dimedatteb.

Sam 78:40

O gadon, atu taɗakppa ag haen kuɗum Nug waappa daaglagnu uuna, ag nuhig nai tappaeg neum. Ao, wan meu waknu nakokib elele, amuppa ele ag haen kuɗum heeg, Nug uug doyom.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.