Sam 78:71 - Nobonob Baibel

⁷¹ Ge, Nug Dawit sipsip gumattakppan awom. Naɗi Nug Dawit nug nuhikkud danab, ag Jakop buɗub amu, nug ag gumadkkunu diiom. Ao, Nug danab ah nuhikkudnab daatteb, ag Israel danab ah amu, Nug Dawit ag gumadkkunu diiom.

Sam 78:71 Referans Kwoze

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

1 Stori 11:2

Amu anukka, haen Saul nug king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe, nahip Kayak, Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Genesis 33:13

Awa a amu, Jakop nug aum. “O naɗi dahil, na doottem. Nid naunau dahilad ag ɠagattagnab iitta, amu ele, da sipsip, makau ele ag nalkad yuɗ ele huh latteb amunu, da dabmatte aute aokkuloitte. Ig deɗ laippuib doɗ huanak lamadpput amu, doɗ amu oh ag mauhkkulag.

2 Samuel 7:8

Anam amunu, na gona, dahil maɗi nid Dawit inam appe doyaɗ! ‘Yawe Nukka Ɠagattag Oh Ele Nug inam atte. Na gikkiɗah dad okkaippa sipsip gumattette, da hei, na uɗat amu uun, dahilad danab ah, amu Israel danab ah, na ahilag king daakkutnu meidmi.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

2 Samuel 20:19

Ig Israel danab ah oolagppa king waappa oo metta ii uuak kobol dim lamidtata, maɗoɗ ele dayaknu danabnab daattem. Aab okkai imuam Israel ooppa ah laa nug nid nuhikkud anilag daatte bia daatte, amge na aab imu heppe nauhkkunu hettem. Yawenu keeke ii daama, nuhikkudnab danab ah kuɗum ele ii daamnanu hettem,” awa aum.

2 Samuel 24:17

Amu haen Dawit nug engel danab ah aqom antta amu, nug Yawe amegppa aum. “O Yawe, daib hipunin hein, eheɗ hemi. Imu ag am sipsip bia aakkuib. Ag aɗi eheɗ heppig? Iitta. Da eheɗ hemi. ⌊Da hipunin hemi amunu, na anam hekkutnu anidttem dayeb,⌋ na da, da baeladppa ele iqakkutnu ool hette,” awa aum.