Sam 78:7 - Nobonob Baibel

⁷ Ag menuattak huu laippu bia oh ag anam hekkulag dayeb amu, menuattak huu laippu bia anen anen dokkulag amu, ag ele Kayaknu oolagppa genab dooglag. Ag Nug aɗi aɗi heum ii daulag atima. Ao, ag nuhig ɗo dim lamidkkulag.

Sam 78:7 Referans Kwoze

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Sam 103:2

Da Yawe onig humeme, da Nug aɗi ena dahilppa heum, da amunu ii daul atima.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Sam 40:4

Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Korint 11:24

Mameg amegppa, “Ena heme,” awowa, pane ne Nug aum. “Imuam da beɗul, amuppa da ag ehanadkkul. Ag dahilnu dabmekkulagnu lanaknu kobol imu heig!” awa aum.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Sam 62:5

Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.

Duteronomi 6:12

ag Yawe daulag atimanu dabmeig! Nug ag Isip, ag appa begbeg maɗi nid daaegeg, Nug appanu diia, omalatte uɗippig.

Duteronomi 6:21

Ag anam oɗ mekkulag amunu, ag inam appeg dooglagoitte. “Ig am Isip uppa Paronu begbeg maɗi nid daamut, amge Yawe Nug nuhig ɠagattag okkaippa Isipnu awikka, omaikka uɗiom.

Duteronomi 6:25

Amu ig Yawe, ihinig Kayak, ig Nug haknunab anak oh ig mekkom, Nug noobppa pehettak dim lamidkkunig dayeb amu, amuam genab tutukku hak kobol ihinig daakku.” Nai amuam ag nid naunau ahilkad tutukku appeg dooglag.

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!