Sam 78:59 - Nobonob Baibel

⁵⁹ Kayak Nug ag amu heegeg anatta, Nug oo huana nauhe, Nug Israel dimatta, auta awom.

Sam 78:59 Referans Kwoze

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Gayak Nai 2:7

Naɗi Nug qaɗab, Juda danab ah appa doɗ main, Nug medappig ele, Nug qaɗab amu geɗittom; Nug nuhig mettid lag uua, Nug appa ii daatte. Nug he, king laulkad enanagnab ag kekeɗ eppelagppa daatteb. Kekeɗ ag Yawe laugppa tena, muttub qeeg, oqotti oum; oqotti amuam hobul dayaknu haen epeɗiak, Yawe Nug Israel amuppa daaglagnu aum, hobul amuppa danab ah ag huan etteb ele amu, oqotti amuam amubia dayom.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Lewitikas 26:44

Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak.

Lewitikas 20:23

Am ag danab ah ag gemu wan amuppa daatteb ele, da heppi, ag Israel ag danab amu lamadkkulag. Ag kobol nau, da oolppa uuaknab doottem ele heppig amunu, da ag geɗadmi. Anam amunu, ag ahilag kobol am aib dim lamidna heppig.