Sam 78:51 - Nobonob Baibel

⁵¹ Kayak Nug Isip danab ah dilag nid ⌊danab⌋ tatamnu he mauhppig. Ao, Isip danab ag am Ham buɗub, amu Kayak Nug he, ahilkad nid danab tatamnu oh mauhppig.

Sam 78:51 Referans Kwoze

Sam 105:23

Amu dimppa Josep mameg Israel nug Isip ukkom. Ao, Jakop nug Isip, ⌊Isip onig laa am Ham,⌋ nug appa laihnu uɗiak danab dayom.

Sam 135:8

Nug he, nid ⌊danab⌋ tatamnu oh, doɗ nalkad ⌊dawai⌋ tatamnu ele Isip appa mauhppig.

Sam 106:22

Nug kobol danab hekkunu elele iitta Ham wanppa heum amu, ag daulag atiom. Ao, Nug Le Kokoɗ appa keeke laala, danab ah anttegeg, ag ebehilag oh bodoetta le mette amu, ag Nug amu hattomnu daulag atiom.

Sam 136:10

⌊Ig Yawe,⌋ Nugib he, Isipnu nid ⌊danab⌋ tatamnu mauhppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 105:36

Nug anam ha male, Yawe Nug nid ⌊danab⌋ tatamnu Isip dilag oh aqom. Nug baelkadppa anen anenppa nid danab tatamnu, nid amu nug anig mameg nuhigppa nid danab menuadkkulahnu digmepiɗ ele amu, Nug nid ⌊danab⌋ amu oh aqom.

Eksodas 13:15

Paro nug tatam nuhig dabmak ɠagattag eppe, dabmak amu dim lamitta he, ig paɗaikkeb uɗignignu oo ii dayom amunu, Yawe Nug Isip dilag nid ⌊danab⌋ tatamnu, doɗ nalkad ⌊dawai⌋ tatamnu oh ele, Nug ag aqe mauhppig amunu, ig doɗ ⌊lanaknu epeɗiak daatteb⌋ nalkad dawai tatamnu, ig amu oh mait, Yawe medattem. Amge nid danab tatamnu oh amu, ig ag tituanakppanu eɗua uhuqak dayaknu hettem.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Genesis 49:3

Ruben na am dahil nid naanaeg. Ao, na am matunu amunu, na da abenal aon daakkutnu daame. Da danab memi amu, keeke amunu na at daattem. Ao, na binan okkai, ɠagattag ele.

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Sam 105:27

Yawe aa ehanate, Moses Aron ele aa Kayak dabmettaknu kobol danab haknu elele iitta, Isip oolagppa hepiɗ. Ao, aa Isip appa, ⌊Isip onig laa am Ham amu,⌋ aa appa uɗat ɠagattagnab ele hepiɗ.

Genesis 10:6

Ham bekkod am Kus, Misraim, Put, Kanan ele.