Sam 78:5 - Nobonob Baibel

⁵ Nug nuhig ɗo Jakop mettom. Ao, Nug nuhig ɗo Israel mattom. Nug ig mamenkad aɗi amelagppa haknunab ana, ag ɗo amu ahilkad nid naunau ippunadkkulagnu aum.

Sam 78:5 Referans Kwoze

Duteronomi 6:7

Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Sam 81:5

Nug ig Israel danab ah ɗo amu mekkom. Ao, Nug Isip bu mattom, haen amuppa Nug mekkom. Ge! Haen ig laa ag nai laa mattieg ig ii doomut ele, haen amuppa Nug ɗo amu ig mekkom.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Duteronomi 11:19

Ag nid ahilkad ippuanatteg! Ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Sam 147:19

Yawe Nug nuhig nai Jakop buɗub mattom. Ao, Nug nuhig ɗo iɗu iɗu Israel danab ah mattom.

Sam 19:7

Yawenu ɗo am ena eleleib; am danab ah ehanatte, ag bauklel daatteb. Yo, danab ah ag Yawenu ɗonu genab elele dooglagnu elele; ɗo amu ag heeg, danab ah ag doyak ii awak daatteb, ag doyak dabmak ena ele aon daatteb.

Eksodas 40:3

Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Eksodas 25:21

Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ!

Sam 119:152

Anukkanab, da nid bau dayeye, da dakka da nahip ɗo ihuhuittette, da nahip ɗo am hanhan daakku anidmi.

Eksodas 25:16

Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!

Eksodas 40:20

Aria, amu dimppa Moses nug men maha aɗit, Yawe Nug amuppa ɗo nai yom amu, nug amu awa, Tituanak Nainu Kunup ooppa ina, nug tuqai aɗit awa, Tituanak Nainu Kunup, amunu ring aɗit heqo laih laih amuppa aɗate waeh, nug kunup ameg kunup attan meum. Ameg amuam eheɗ haknu nob nau tiigppa iitta me elele medatte ippunadtte.

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Duteronomi 31:13

Nid ahilkad ag ɗo imu ii dooppig ele amu, ag Yawenu ɗo doon, ag Yawe, ahilag Kayak, ag nuhignu ebehilag oh bodoetta le mekkunu amu, ag anam heig! Ag Jodan mataɗna, wan aon daaglagnu daatte, ag wan amuppa daanna, anamib hanhan hekkulag,” awa aum.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!