Sam 78:22 - Nobonob Baibel

²² Yawe Nug aɗinu ahilagnu oppoɗi beum? Ag Kayak, ag nuhignu oolagppa genab ii dooppig. Ao, Nug ag atognoadkkunu genab elele ii dooppig.

Sam 78:22 Referans Kwoze

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Duteronomi 1:32

Da Nug ahilagnu anamnab heum ami, amge ag amu doon, ag doonna, Yawe, ahilag Kayak, ag nuhignu oolagppa genab doyak uuppig.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.

1 Jon 5:10

Danab nug Kayak Bekkanu ooppa genab dootte, nug aakku Kayaknu ippunittak amu awa, nug ooppa daatte. Am laa nug amu ooppa genab ii dootte, nug aakku, “Kayak Nug am hambuppuak danab,” awa atte. Aɗinu? Kayak Nug Bekkanu ippunittom, danab amu nug ooppa genab ii doyom amunu, nug anam atte.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

2 King 17:14

Propet aɗi ag anam mattieg dooppig, amge Israel ag Yawenu nai dooglagnu uun, ag Nug oɗe dim lamidmananu dabmak ahilag ɠagattag eppe, ag mamelkad aɗi dilag kobol dim lamidppig. Ag mamelkad aɗi, ag Yawe, ahilag Kayak, ag nuhignu oolagppa genab ii dooppig. Iitta.

Sepanaia 3:2

Jerusalem danab ah ag ulum nai laa oɗeppa aoglagnu uun autna aotteb. Ao, laa nug daulag batebeb, ag nai nuhig ii doomna; uuglag. Jerusalemnu danab ah ag Yawenu oolagppa genab ii dootteb. Ag ahilag Kayak ii dim lamidtteb.