Sam 78:13 - Nobonob Baibel

¹³ Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Sam 78:13 Referans Kwoze

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Habakuk 3:15

Ge, ban danab ag bannu hosppa leppa oiyegeg, le huan uɗala gotte, na amubia he, le laih laih ukka dayom.

Sam 38:7

Aɗinu? Da beɗul gakkaɗak okkai ele. Ao, da oɗe eheɗnab memi.

Eksodas 14:22

Aria, gamagppa wan qaɗaiettak ena dayeye, Israel ag ena gona, yu amu mataɗna, laih teppig; yu nug oppata, laih laih ɠagattag gilil bia dayeye, ag gamagppa goppig.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.