Sam 77:13 - Nobonob Baibel

¹³ O Kayak, nahip hak am oppiaawak ele. Amu kayak laa, nug na, ihinig Kayak, nug na ɠagattag okkai ele daattem amu, laa nug amubia daattete? Iitta!

Sam 77:13 Referans Kwoze

Sam 73:17

Anam amu, O Kayak, deɗ laa da nahip mettid lag ooppa noi, na batak haenppa, nau hak danab dilagppa attem bekku amu, na da ippuniɗme.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Aisaia 40:25

Kayak Oppiaawak Ele, Nug oɗ madatte. “Ag auntai laa anidna, ‘Kayak Nug danab amubia daatte,’ akkulag? Aun nug da bia daatte? ⌊Amu oh iitta. Laa da bia laa iinab daatte,⌋” awa atte.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Sam 63:2

Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Aisaia 46:5

Ag laa anidna, ‘Yawe Nug nug bia daatte, aa oh anamib, aa elele elele,’ akkulagnu elelete? Iitta! Ao, ag laa anidna, ‘Nug Yawe ele aa laippu bia daattep, aa piɗe piɗe iitta,’ akkulagnu elelete? Iitta!

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Sam 86:8

O Naɗi, kayak laa na bia laa iitta. Na danab keeke hekkunu elele iitta hettem, amge ag am anam iitta.

Sam 71:19

O Kayak, nahip genab tutukku hak am attannab daatte. Na, laa iitta, na keeke okkai okkai kuɗum heme. Auntai laa nug na bia ii daatte. Laa iitta.

Sam 68:25

Danab ah ag ahi edatteb ele, ag anuqakppa daatteb. Laa ag musik haknu keeke aɗan, keeke amu iwaltteb, o qetteb ele, ag laa oh dimulagppa daatteb. Aria, ah makkun ag tambarin qetteb ele, ag amu gamagppa daatteb.

Sam 105:2

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao, ag nuhig hak ena ena ohnu, ag danab ah laa oh ag amu dooglagnu ag amelagppa aig!

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.