Sam 74:4 - Nobonob Baibel

⁴ Nahipad kekeɗ ag na lautppa ig eɗigppignu enan daappig. Ag ig eɗigppig laa ippunadkkunu ahilag pilak appa qabappig.

Sam 74:4 Referans Kwoze

Gayak Nai 2:7

Naɗi Nug qaɗab, Juda danab ah appa doɗ main, Nug medappig ele, Nug qaɗab amu geɗittom; Nug nuhig mettid lag uua, Nug appa ii daatte. Nug he, king laulkad enanagnab ag kekeɗ eppelagppa daatteb. Kekeɗ ag Yawe laugppa tena, muttub qeeg, oqotti oum; oqotti amuam hobul dayaknu haen epeɗiak, Yawe Nug Israel amuppa daaglagnu aum, hobul amuppa danab ah ag huan etteb ele amu, oqotti amuam amubia dayom.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

2 Stori 36:17

Ag eheɗ anam heegeg, Yawe Nug he, Babilon dilag king, nuhikkud daup ele ag Juda banelag uɗin, ag Juda dilag nid bau Yawenu mettid lag ooppa qep elabppa aqaeg mauhppig. King nug auntai laanu oo gai-iitta doya oo metta ehanittak kobol ii doyom. Iitta! Nid bautai, o ah bautai, o danab kaino, o danab kainonab, nug ag oh dilagnu oo gai-iitta doya oo metta ehanittak kobol dim lamidkkunu ii dabmeum. Yawe he, ag ohnab Nebukatnesar eppegppa daappig.

Namba 2:2

“Israel dilag huu okkai anen anen ag dahil mettid haknu peh lag danab ah appa qagmetteb ele, ag amu taliliattak haen tutu dayaknu aab kalaglag, amge nakok piɗe, guguittak iitta. Danab anen anen oh ag dayak aben ahilkad, ag mamelkad baelkadppan pilak guguittak kalan daaglag,” awa aum. ⌊Yawe Nug Moses, Aron ele amelahppa anam a dooya, aa Israel amelagppa inam apiɗ.⌋

Revelesen 13:6

Nug oɗe aaha, Kayaknu dabittak nai mattia, Kayak onignu, aben Nug daattenu, amu Kayaknu daup, hab aabppa daatteb ele, nug amu oh dilagnu baeg qak nai mattiom.

Luk 21:20

Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Luk 13:1

Haen amuppa amu danab laala ag daanna, Galili danab laala ag mana mettak heegeg, Pailat he, aqaeg mauhppig amu, ag amunu Jesus amegppa appig.

Daniel 6:27

Nug danab ehanatte, ag qagaiettakppa ii daatteb. Nug ehanatte, ag padal ii metteb, Nug habppa, wanppa ele uɗat naɗi, Nug heumnu at daatte amu uɗat ɠagattagnab ele hette. Nug Daniel ehanitte, qagaiettakkppa ii dayeye, laion ag nuhignu eheɗ laa ii heppig,” awa yom.