Sam 73:4 - Nobonob Baibel

⁴ Nau hak danab ag bau dayak ahilagppa qagaiettak laa ii dootteb, ag beɗulag am ena, ɠagattag ele daatteb.

Sam 73:4 Referans Kwoze

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Eklisiastis 2:16

Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Sam 17:10

Kekeɗ dahilad ag oo gai-iitta doya oo metta ehanittak kobol iinab hetteb. Ag akka ag oɗelagppa ag beɗuppa tak nau nai madittem.

Job 24:20

Ag mauhegeg, ag anilkad ahilagnu daulag atitte. Gawat ag beɗulag moɗppa heeg nauhtte. Danab laa ag hipunin danab dilagnu haen elab ele ii dabmetteb; ag paha ahilagnu daulag atitte. Ao, hipunin danab ag ad qiia na qette, ahilagppa amubia bette.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Job 15:27

Anam amunu, deɗ laala nau hak danab nug beɗu enanag, hime ele daakkutai; ao, nug beɗu oh am enaib daakkutai,

Job 21:13

Nau hak danab ag keekenu elelenab daan, ee le ele lanana, gamag ahak ele dootteb; ag anam heeg ukke ukke, ag mauhna, boumak abenppa maɗoɗ ele gotteb.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.