Sam 73:25 - Nobonob Baibel

²⁵ Hab attan appa amu, da laa ele daagnihnu ool ii hette; na aakkuib. Wanppa ele, da laa ele daagnihnu ool ii daatte; na aakkuib.

Sam 73:25 Referans Kwoze

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Sam 16:2

Da Yawe amegppa inam ami. “Na aakkuib, na dahil Naɗi daattem. Keeke ena oh da eppelppa daatteb amu, na eppenppanu uɗiom.” Da anam amegppa ami.

Sam 63:3

Nahip oo mauhaknab kobol am enanag; bau dayak gemu daattem imu eɗittak daatte amunu, da na binan mettem.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Sam 104:34

Haen da Yawenu ool gamag ahehe, da keeke laalanu dabmak unuqag awewe daattem amu, Nug dahil dabmak amunu ena, elele dookkunu ool daatte.

Sam 37:4

Na Yawe waappa dayaknu enanagnab doon daappe, Nug na oot unuqagnab aɗinu oot daatte am medakku.

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Matyu 5:8

Danab aun aɗi ag oolagppa oppiak ele amu, ag itittak ena aoppig daatteb. Aɗinu? Ag Kayak anidkkulag.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.