Sam 73:22 - Nobonob Baibel

²² haen amuppa da kobol kaaka, doyak iitta ele hemi. Ge, da doɗ, dabmak iitta ele, amubia daami.

Sam 73:22 Referans Kwoze

Eklisiastis 3:18

Da amu dabmein, da inam ele dabmemi. “Danab dilagnu amu, ag doɗ bia, ⌊ag mauhtteb⌋, ag amu dooglagnu Kayak ag ippunadtte.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Prowerb 30:2

“Da doɗ bia daattem. Laa ag ele doɗ bia daatteb, amge da anam daye aute autenab aottem. Laa ag danab daan, diignu doyak tutukku aɗan oitteb, amge da amubia ii aɗattem.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Sam 69:5

⌊Ag atteb ele amu, da ii hemi, amge⌋ O Kayak, da hipunin hei, beɗulppa aab daatte, amu aab amu na noomppa lokkumak laa ii daatte. Ao, da na noomppa nahipnu dab-ii-maama hak kobol dim lamitten hipunin hemi amu, na aakku doottem.

Job 18:3

Aɗinu na ihinignu, ‘Ag am doɗib,’ dabmak aottem? Ge, aɗinu na ihinignu, ‘Ag dabmak iitta, ag kaaka,’ dabmettem?

Sam 92:7

Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.