Sam 73:19 - Nobonob Baibel

¹⁹ Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Sam 73:19 Referans Kwoze

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Job 15:21

Nug oqotti nau daugppa doya, nug eheɗ nau baɗatte. Ao, nug maɗoɗ daatte bia doya dayeye, haen amuppa danab ag ban hena danab aqadna ahilag keeke yab aotteb, danab amu ag banelag uɗieg, nug ele ban hetteb.

Revelesen 18:10

Ag piɗe daanna, nuhig guittak amunu baɗana akkulag. ‘O gadonnab gadon; gadonnab gadon Babilon! Na aab okkai, na ɠagattag okkai ele, amge aua laippuppaib nahip hipuninnu nob nau aakku neum,’ aon akkulag.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Sam 58:9

Danab waa aab gakkaɗaknabppa meeg dayeye, le pahanab ewa gakkaɗtte, amubia Yawe Nug paha heeb, nau hak danab, bau amu alag ele, ag iitta mekkulag.

Job 18:11

Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.

1 Samuel 28:20

Deɗ amuppa Saul nug ee laa ii laum amunu, nug beɗu ɠagattag iitta, amu haen nug Samuel nai aum, nug nai amu doya, nug amunu huan baɗa haaha, nug na qa, wanppa niiom.

Namba 16:21

“Da danab imu pahanab hadappi nauhkkulagnu, aa awaidya laih dayeɗ!” awa aum.

1 Samuel 25:38

Nabal nug anam daye niie ukke, deɗ eblaih tanig ele anam dimppa Yawe he, nug mauhom.

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.