Sam 73:14 - Nobonob Baibel

¹⁴ Deɗ oh da hanhan uug doottem. Ao, buttua ohppa da bu awen, guittak doottem.” ⌊Dabmak amu dahil dabmakppa beum.⌋

Sam 73:14 Referans Kwoze

Hibru 12:5

Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Job 10:17

Hettoɗiak abenppa amu, na laa aɗi heehe anttomnu mattiak danab baubau onilagppa e uɗin, ag naippa da yaaiɗtteb. Na hee, nahip oo nauhak dahilnu tuɗitta, okkainab mette. Na hee, nahipad daup ag baubau eheɗ heiɗtteb.

Job 10:3

Na danab ah eheɗ hadattem am ena doottemte? Ge, na aɗi aɗi na eppenppa heme ele eheɗ hadattem am enate? Na nau hak danab ag keeke laa hekkulagnu lokkumakppa doonna maittak eheɗ aon hetteb amu, na ahilagnu, “Ag ena hetteb,” doottem am enate?

Job 7:18

Diig aɗinu na buttua ohppa ahan neekkigttem amu, da ool ii maidtte. Ge, diig aɗinu na hanhan ma anttak megattem amu, da ootot iutte.