Sam 73:13 - Nobonob Baibel

¹³ ⌊Anam amu, dabmak imu dahil dabmakppa beum. “Nau hak danab ag anam henan oitteb amge da,⌋ da hei, da ool am oppiak ele daatte amu, da genab hamu, meu iitta ele anam hemi. Ao, da kobol laa dubuttid ele hepanu, da dakka da awaitten oimi amu, da genab hamu, meu iitta ele anam hemi.

Sam 73:13 Referans Kwoze

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Job 34:9

Nug amu hettenu diig am, nug inam ana malom. ‘Danab nug heeb, Kayak nuhignu ena dookkunu am uɗat meu iitta. Ao, danab amu hette ele nug meu ena laa ii aotte,’ awa mattiom.

Job 21:15

Ag anam Nug amegppa anana, ag ele atteb. ‘Laa Nukka Ɠagattag Oh Ele, Nug am aun amunu, ig diig amunu Nug waappa daat, Nug oɗe dim lamidkkunig? Ao, ig Nug unuqidkkunig dayeb, diig amunu ig aɗi ehanittak aognig?’ aon atteb.

Job 35:3

Na Kayak amegppa inam attem. ‘Da hipunin ii hekkul dayeb amu, amuppa na ehanittak attem aokkut; kobol amuppa da aɗi keeke ena laa aokkul?’ aon attem.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Malakai 3:14

Ag anam aeg, Yawe Nug ag oɗelagppa awa atte. “Ag inam appig. Ig Kayak waappa daata, Nug oɗe dim lamidkkunig amu, ig meu ena laa ii anidmata. Aɗinu? Ig nuhig ɗo dim lamidmut amu, amuppa ig aɗi keeke ena aomut? O laa amu, ig Yawe Nukka Ɠagattag Oh Ele noobppa danab nug hipunin qa, ooppa guittak okkai amunu doya, lamen heɗiag ele takka, Yawe noobppa anam oitte bia oimut amu, amuppa ig aɗi keeke ena aomut?

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Job 9:31

na le moɗ laa muag naunab eleppa buɗilppe nokkulnu doottem. Ao, na amu heppe, dahil lamen da beɗulppa daakkunu uua autanab aokku.

Job 9:27

Amu deɗ laala da dakka, da dahilnu inam attem. ‘Uuppe, da dahil uugnu dab-ii-mepa! Ao, da iɗul tigugɗak daatte amu, da heppi, imak am da iɗulppa daakku,’ attem.

Job 9:29

Na dahilnu, ‘Na beɗunppa aab ele,’ akkut. Anam amunu, aɗinu da hik iweb, ‘Da beɗulppa aab iitta,’ ii daye daye akkul?