Sam 73:12 - Nobonob Baibel

¹² Amuam nau hak danab ah dilag ib aakku. Ag wanppa bau daan oiyegeg, uug ii aqeeqe, ag en okkai aonnaib daatteb.

Sam 73:12 Referans Kwoze

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.

Sam 37:35

Da nau hak danab, nug oo doyak ii doyaya nau hette ele amu, nug ad laa wan ittag enanagppa, anttak enanag be anidtteb bia enanag ba heehe anidmi,

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.