Sam 72:15 - Nobonob Baibel

¹⁵ Da king nug haen elabnab daakkunu, Seba danab ah ag nug gol mettaglagnu ele ool daatte. Ele amu, da danab ah ag nuhignu hanhan Kayak unuqidkkulagnu, ag deɗ oh hanhan itittak ena ele mettaglagnu ool hette.

Sam 72:15 Referans Kwoze

1 King 10:14

Amu Solomon nug maɗ anen anen gol 23,000 kilogram awom.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

1 Jon 1:2

Kayak he, Kristus, Nug bauklel hanhannu diig amu, Nug miag atia be, ig Nug anidmut. Ig anidmut ele amu, ig ag amelagppa genabnab iikku madittem. Ig Kristusnu madittem. Nug anukka ig Mamenig Kayak ele daayya, Kayak he, Nug ihinigppa miag atia beum.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

1 Tesalonaika 3:11

Ge, ig Mamenig Kayak, Naɗi Jesus Kristus ele aa omaigpeɗ, ahilagppa gokkunignu oonig daatte.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Aisaia 60:6

Wan laappan danab ag en mawadna uɗiglagnu ag kamel bau kuɗumnab qaɗelagppa maadna uɗippeg, ahilag kamel am ag Juda, ahilag wan tonaglag. Danab amu ag Midian wanppanu, Epa wanppanu ele uɗiglag. Seba danab ag gol, prankinsens ele aon uɗinna, ag Yawe binag mekkulag.

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 6:10

Na heppe, ɗo maɗoɗ nahip wan imuppa daakkunu unuqidttem. Na heppe, hab aabppan daup ag nahip dabmak awak dim lamidna hetteb, amubia ig wanppa daattem ele dim lamidtu!

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Sam 45:4

Na king, na dagom onig ɠagattag ele amunu, doyak diig genabib, onig qe nak kobol, amu genab tutukku hak kobol ele, keeke amu oh ɠagattag daaglagnu na ahan gona, ban hena, na amunu kekeɗ eɗadkkutnu ool daatte! Ao, na gona, nahip ɠagattagppa ban kobol naɗinab, danab nug nahip hak amu amegppa antta, o daugppa doya, nug ebehi oh bodoetta le mekku amu, na hak amu hekkutnu oɗ medattem.

Sam 21:4

Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

2 Stori 9:1

Amu Seba wanppanu kuin nug Solomonnu, “Nug onig okkai ele,” nai amu nug doyom. Nug doyom amunu, kuin nug Solomon anidkkunu, nug oɗmak ɠagattag laala, Solomon nuhig doyak dabmak ena ele amunu ma anttak oɗ medakkunu Jerusalem appa uɗiom. Kuin nug nuhikkud ehanittak danab ameg naɗi, kamel huanak, kuɗum ele, ag Jerusalem uɗippig. Kamel ag gol kuɗum huanak, spais digdig, amu men daden nob okkainab ele, keeke amu mawadppig. Kuin nug uɗia Solomon gumitta ba, amu nug keeke oh dabmeum, nug amunu Solomon oɗ mette, aa madipiɗ.

1 King 10:10

Amu Sebanu kuin nug gol huanak, uug nuhig 4,000 kilogram Solomon mettowa, nug spais huanak, amu men daden nob okkainab ele Solomon mettom. Spais nug mettom, amuam huanaknab. King Solomon mette, haen amu dimppa amu, spais huanaknab amubia laa nug Israel wan ooppa awa ii noum.