Sam 72:11 - Nobonob Baibel

¹¹ King oh ag nug noobppa dup nokkulag. Ao, danab ah wan ohppanu ag nug waappa daan Nug oɗe dim lamidkkulag.

Sam 72:11 Referans Kwoze

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Sam 86:9

Naɗi, na danab ah wan ohppan hattame, ag uɗin, na noomppa dup nona binan mekkulag. Ao, ag na onin am binag amahlak oppiaawak ele mettaglag.

Revelesen 21:26

Wanppan wan oh danab ah ag ahilag binag amahlak oppiaawak ele, amu ag binalkad ele aon, aab amuppa uɗin mekkulag.

Revelesen 21:24

Wanppan wan ohppan danab ah ag aab okkai amunu amahlakppa oiglag; amu wanppanu king ag ahilag binag amahalak oppiaawak ele aon nuhigppa uɗiglag.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.

Maika 7:17

Ag uɗa nak doon, ag mat gappud hoɗutte bia hekkulag. Ao, ag doɗ digdig ag oolagppa wanppa oinna, gappud latteb, ag uɗa nak doon, ag amubia hekkulag. Ag eheɗ baɗan, hahaɗna, ag ahilag teɗppanu dimittim uɗiglag. Ag baɗan, ag Yawe, Nug am ihinig Kayak, ag Nug dim lamidkkulagnu nuhigppa gokkulag. Ag ag Juda, ag ahilagnu ele baɗaglag.