Sam 71:18 - Nobonob Baibel

¹⁸ O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Sam 71:18 Referans Kwoze

Aisaia 46:4

Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

Sam 78:4

Ig nai genab amu ig nid ihinkad doomnanu ii lokkumadmata. Ao, menuattak huu laippu bia bau dotteb ele amu, ig apput dooglag. Ig Yawe keeke okkai okkai heumnu apput dooglag. Ao, ig nuhig ɠagattagnu, amu kobol danab hekkunu elele iitta nug heumnu ele mattignig.

Sam 78:6

Nug ag hekkulagnu aumnu diig am, menuattak huu laippu bia laa daappeg, amu dimugppanu, ag ɗo nai amu ele dooglag. Ao, nid ag haen amuppa ii menuattak amu, ag ele amu dooglag. Am ag ele keeke amuib appeg, ag bekkalkad, aɗelkad ele, ag ele dooglag.

Sam 22:31

Geha danab ah ag genab tutukku hak kobol, Naɗi Nug dim lamitta hette ele, ag laa dimppa menuadkkulag amelagppa madippeg dooglag. Aɗinu? Naɗi Nug amu heum.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

1 Samuel 4:18

Danab amu nug anam mattiaya, haen nug Kayaknu Tituanak Nainu Kunupnu nai amu a, Eli nug Kayaknu mettid lagnu aɗ od guguittak dayaknu balal attan dayom amunu, nug nai amu doya, nug ukka, gomeppa na qe, nug duug ebehi qiie, nug mauhom. Nug am danab kainonab, titiɗak ele amunu, nug duug ebehi qiie, nug mauhom. Nug maɗ 40 Israel dilag okkai aakku dayom.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

1 Samuel 4:15

Amu Eli nug am danab kainonab dayom; nuhig maɗ oh am 98, amu nug ameg ele gaɗuom amunu, nug neekkeb ukkeb, keeke laa anidkkunu elele iitta.

Eksodas 13:8

Am deɗ naɗi amu haen beeb, ag bekkalkad amelagppa inam akkulag! ‘Yawe Nug keeke oh ha, ig Isip wanppanu aikka omaikka uɗiom amunu, kobol ig hettem imu amu, ig Yawe keeke naɗi heum, ig amu dabmekkunignu hettem.’

Genesis 27:1

Dimppa Aisak nug kaino me, ameg gaɗue dayeye, neekka keeke pehettak anidkkunu elele iitta, nug Esau onigppa e uɗie, nug amegppa, “O nan,” awa aum. Anam a amu, Esau nug aum. “Da ina, aɗitai, appe dookkul,” awa aum.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.