Sam 71:15 - Nobonob Baibel

¹⁵ Na kobol enanagnab kuɗumnab, da oh doyadkkulnu elele iitta hettem amunu, da na keeke genab tutukku hettemnu oh amelagppa akkul. Yo, deɗ oh amun tuqan ele da laa amelagppa na danab ah nahipad padal memananu ehanadme akkul.

Sam 71:15 Referans Kwoze

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 35:28

Na anam hekkut dayeb amu, da geha nahip genab tutukku hak kobolnu danab ah oh amelagppa ainne, deɗ oh amun tuqan ele am naib binan mekkul.

Sam 145:2

Deɗ oh da geha na onin humeme, da geha na binan okkai hanhan attan humakkul.

Sam 71:8

Da na binan mettem. Yo, da nahip binag amahlak oppiaawak ele deɗ oh amun tuqan ele, da amunu oɗelppa madittem.

Sam 89:16

Ag na diit enanag anidna doon, ag haen oh amun, tuqan ele nahipnu oolag gamag ahatte. Na genab tutukku hak kobolib dim lamidna hee, danab ah ag enanag dootteb.

Sam 71:24

Laa oh ag da guittak meɗaglag heppig amu, ag uɗa nak, ge uɗa nak nau guittak ele aoppig amunu, O Kayak, da deɗ oh amun tuqan ele nahip genab tutukku hak kobolnu akkul.

Sam 30:12

Na da humittak ahi nahipnu edette, bakkum ii daapanu oot heum amunu, na anam heme. O Yawe, dahil Kayak, da geha na amenppa, “Ena heme,” hanhan akkul!

Sam 40:12

Aɗinu? Uug kuɗum, ebqaknu iitta, da taliliɗtteb. Hipunin da hemi am toniɗkkulagnu heegeg, da ib ena laa antte gokkulnu ii anidttem. Uug amu, dahil hipunin ele am da ikkil uɗugnu ebqak am eɗittak. Dabmak dahil am ɠagattag daakkunu elele iitta.

1 Stori 16:23

Anam amunu wan atu ohppan danab ah oh ag Yawenu ahi etteg! Deɗ ohppa ag laa amelagppa, “Yawe Nug ig padal mematanu ehanigtte,” aon aig!

Sam 40:6

O Yawe, na ootppa keeke anuqak am, danab ah ag ofa iɗu iɗu na mettaglagnu ii daatte. Ge, danab ag nahip qaɗabppa manaknu ofa, ib etta hipunin haknu ofa ele na mettaglagnu amu, na amunu ootppa keeke anuqak ii doottem. Kobol na amunu anuqak doottem ele am, danab nug nahip nai dim lamidkku.

Sam 51:16

Aɗinu? Da doɗ manen, na mettalom amu, na enanagnab ii doolom. Am da manen mettalomnu oot anam daalo, da anam helom. Ao, da manaknu ofa manen mettalom amu, na ii aolom; na ena ii doolom.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.