Sam 70:4 - Nobonob Baibel

⁴ Laa ag dahilnu nau amu hetteb ele, na ahilagppa anam hekkutnu ool daatte, amge na heppe, laa ag na anidna dim lamidkkulagnu na mattidtteb amu, ag ena doon, gamag ahak okkai aoglagnu oɗ medattem. Ao, na heppe, laa na ehanatte, ag padal ii mena, ag amunu enanag dootteb ele amu, ag hanhan, “Kayak Nug hak ena, hak tutukku, hak genabib hette,” akkulagnu unuqidttem.

Sam 70:4 Referans Kwoze

Gayak Nai 3:25

Laa ag Yawe heeb, keeke ena bekkunu dabmak aɗan oitteb amu, Yawe Nug ahilagnu kobol ena hette. Ge, laa ag Yawe mattina, dim lamidkkulagnu Nug maditteb, Nug ahilagnu kobol ena hette.

Sam 40:16

Laa ag dahilnu nau hetteb ele amu, na ahilagppa anam hekkutnu ool daatte, amge na heppe, laa ag na anidna dim lamidkkulagnu na mattidtteb amu, ag ena doon, gamag ahak okkai aoglagnu oɗ medattem. Ao, na heppe, laa na ehanatte, ag padal ii mena, ag amunu enanag dootteb ele amu, ag hanhan, “Yawe Nug hak ena, hak tutukku, hak genabib hette,” akkulagnu unuqidttem.

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Sam 5:11

Amge na heppe, aun aɗi oh ag padal mak eɗitteb ena dayaknu ehanittak nahip-ppanu aotteb amu, ag oo gamag ahak dooglagnu unuqidttem. Ao, na heppe, ag gamag ahak ahi hanhan ettaglagnu ool daatte. Ge, na laa ag nahipnu oo mauhak doonna oitteb ele ehanadppe, ag padal ii memana, ag nahipnu gamag ahak naɗi dooglagnu oɗ medattem.