Sam 7:16 - Nobonob Baibel

¹⁶ Ag uug heeg, laa dilagppa bette amu, uug amu eɗua, ahilagppa bette. Ao, ag laa guittak nau mauhnoak madatteb amu, guittak amu eɗue, ag guittak anam aotteb.

Sam 7:16 Referans Kwoze

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Sam 36:12

Nau hak danab ag nena qena niitteb. Ge, laa heeg, ag nena qena, eɗun ahaglagnu elele iitta daatteb.

1 Samuel 28:19

Yawe Nug uuitteb, geha na Pilistia eppelagppa daakkut. Amu haen na ag eppelagppa wappe, geha Israel ameg oh ele wakkulag. Butti Pilistia ag na, na begapad ele aqappeg, na ag ele uɗippeg, da ele daagnig. Yawe Nug uuatteb, Pilistia ag geha Israel oh eɗadkkulag.” Samuel nug anam aum.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

1 King 21:19

Amunu na gona, Ahap amegppa inam appe doyaɗ! ‘Da Yawe, da attem. Na Nabot iite qe mauhom? Na nuhig wan amu na yab iite aome?’ Amge da na tutukku amenppa attem. ‘Aben qai ag Nabot tiig lappigppa, aben amuppaib am geha qai ag na tiin ele lakkulag,’ awe attem,” awa aum.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Job 4:8

Da neekki ukke anidttem am iikku. Danab aɗi aeg ebatte, nug meu anamib aotte. Anam amu, amubia danab nug eheɗ hette, nug eheɗ hak nuhigppa meu nau aotte. Ge, amubia laa nug hipunin haaha daatte amu, nug hipunin hak nuhigppa meu nau aotte.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Sam 35:8

ag laippun padal mekkulagnu ool daatte! Ag da awiɗkkulagnu pelem meppig amu, ag amuppa tekkulagnu na oɗ medattem. Ao, ag moɗ laa da amuppa noin qekkulnu buuppig, amuppa ag nona qena, mauhkkulagnu unuqidttem.

Sam 57:7

O Kayak, da ool ⌊na binan mekkulnu⌋ ɠagattag daatte. Ge, da ool anam haknu ɠagattag daatte; Da ahi laala, ag na binan metteb ele edakkul.

Sam 141:10

Na heppe, nau hak danab ag akka ahilag uhuippa nokkulagnu ool daatte, amge na heppe, da am amuppa ii nopanu oɗ medattem.

Prowerb 1:19

Amuam danab ag keeke kuɗumnu oolag he, kobol eheɗppa aoglagnu hetteb ele, ahilagppa bette; oo hak nau ahilag amu he, ag mauhtteb.

Prowerb 26:27

Danab nug laa guittak medakkunu moɗ pelem buutte amu, nug nukka moɗ amuppa noa qekku; danab nug laa guittak medakkunu men naɗi kudkud metteb, laa toppa nokku dayeb amu, men amu kudkud metta, eɗua nuhigppa nokku.

Eklisiastis 10:8

Danab laa nug moɗ buutte amu, nug amuppa na qekkutai; laa nug men aɗ loppaɗtte amu, mat nug emalkkutai.