Sam 7:15 - Nobonob Baibel

¹⁵ Laa ag laa moɗppa nena qena nokkulagnu moɗ aotteb amu, ag akka amuppa nena qena notteb.

Sam 7:15 Referans Kwoze

Job 4:8

Da neekki ukke anidttem am iikku. Danab aɗi aeg ebatte, nug meu anamib aotte. Anam amu, amubia danab nug eheɗ hette, nug eheɗ hak nuhigppa meu nau aotte. Ge, amubia laa nug hipunin haaha daatte amu, nug hipunin hak nuhigppa meu nau aotte.

Sam 141:10

Na heppe, nau hak danab ag akka ahilag uhuippa nokkulagnu ool daatte, amge na heppe, da am amuppa ii nopanu oɗ medattem.

Prowerb 26:27

Danab nug laa guittak medakkunu moɗ pelem buutte amu, nug nukka moɗ amuppa noa qekku; danab nug laa guittak medakkunu men naɗi kudkud metteb, laa toppa nokku dayeb amu, men amu kudkud metta, eɗua nuhigppa nokku.

Sam 10:2

Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Sam 119:85

Nahip ɗo ag anam ii hemananu atte, amge beɗup tak danab ag moɗ uma noak, da amuppa noin qekkulnu buuadppig.

Sam 94:13

Na nau hak danab heppe nauhkkulag, amge ag ii nauhppig haenppa, haen amuppa nau hak danab ag heeg, uug digdig nahipad danab ah aqadkkun betteb, amu uug amu nahipad danab ah aqatta aot autanab aomanu, na ehanadttem.

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Aisaia 33:11

⌊Ag kekeɗ dahilad amu,⌋ ag am keeke hamu, wit qaɗu qaɗaiettak bia. Aab ewawa, wit qaɗu qaɗaiettak amota eotte, amubia ag akka akka anam henana nauhkkulag.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Daniel 6:25

Aria, amu dimppa King Darius nug nai laa huu ohppan danab ah, ɗo maɗoɗ ohppan danab ah, nai ohppan danab ah dilag ele inam yom. “Ag enanag, maɗoɗ ele daaglagnu ool daatte.