Sam 7:1 - Nobonob Baibel

¹ O Yawe, dahil Kayak, na dahil padal mak eɗitteb ena dayaknu ehanittak daattem. Da nahip-ppa ehanittak amu aottem. Laa ag da lamiɗttebnu amu, na da ehaniɗppe, da ag eppelagppa qagaiettak ii daapanu oɗ medattem.

Sam 7:1 Referans Kwoze

Sam 31:15

Da na eppenppa daattem. Kekeɗ ag da iuppeg mauhkkulnu hetteb; laa ag da lamiɗna uɗina, da eɗilkkulagnu hetteb amu, da amu oh dilag qagaiettakppa daapanu na ehaniɗkkutnu oɗ medattem.

Habakuk 3:1

Nai imuam propet danab Habakuknu unuqittak; ahiettaknu.

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

Sekaraia 14:5

Oolnu noak amuam ukka, Asal batakku amunu, ag Juda danab ah ⌊diia ii ukkak ele,⌋ ag oolnu noak amuppa oolna gokkulag; anukka ag Juda dilag king Usianu haenppa mim ne oolppig, amubia ag oolna gokkulag. Amu dimppa amu Yawe, dahil Kayak, Nug uɗikku; Nug nuhikkud, ag nuhignu tituanak daatteb amu, Nug ag oh ele uɗiglag.

Daniel 9:4

Da Yawe, Nug dahil Kayak, da Nug amegppa ig Israel, ig ihinig hipunin miagib mattien, da Nug inam unuqidmi. “O Naɗi, na Kayak ɠagattag ele. Ig danab ah ig nahipnu ebehinig oh bodoetta le mekkunu daattem. Na danab ah ag nahipnu oolag mauhtte, ag nahip ɗo ele dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Jeremaia 15:15

Yawe Nug anam a, da ami. “O Yawe, laa ag guittak meɗatteb na doottem amunu, na dahilnu dabmena, atognoiɗkkutnu oɗ medattem. Ao, na heppe, laa guittak meɗatteb, ag nob nau aoglagnu unuqidttem. O Yawe, laa guittak meɗatteb amu, ag amu hebeppeg, na oo maɗoɗ ele dayak kobol dim lamidppeppe ukkeb, ag da iuppeg mauhpanu oɗ medattem. Na da nahipnu anuqak doyen oiiyi, laa guittak meɗatteb amu, na amu dabmekkutnu oɗ medattem.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 32:10

Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Sam 30:12

Na da humittak ahi nahipnu edette, bakkum ii daapanu oot heum amunu, na anam heme. O Yawe, dahil Kayak, da geha na amenppa, “Ena heme,” hanhan akkul!

Sam 30:2

O Yawe, dahil Kayak, da na ehaniɗkkutnu unuqitti, na hee, oɗe dahil iitta me, da ena daattem.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 13:3

O Yawe, dahil Kayak, na eɗun aon, nai nob meɗakkutnu oɗ medattem. Ao, na da ii ehaniɗkkut dayeb amu, da mauhkkul.

Sam 11:1

Yawe Nug da padal mak eɗitteb ena dayaknu ehanittak daatte. Da nuhigppa ehanittak amu aottem. Anam amunu, aɗinu ag dahilnu inam atteb? “Antteg! Nau hak danab ag ahilkad lat omanadna, lat doɗo, lat oɗppa maadna pimaladnana, ag logoppanu lat doɗo eppeg, laa ag kobol tutukku hetteb ele dilagppa gokkunu daatteb. Laa amu, ena haknu diig oh na qeum daatte dayeb amu, genab tutukku hak aɗi ag aɗitai laa hekkulagnu elele iitta amunu, na bau ena daakkutnu, na oolna qaukoppa ukke!” ⌊Ag anam atteb amge aɗinu ag anam atteb?⌋

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Josua 14:8

Da wan amunu anam aakku mattimi, amge da lailad, da ele oh gomut ele amu, ag ahilag naippa heeg, danab ah ag eheɗ baɗappig. Amge dahilnu amu, da Yawe, dahil Kayak, da meul ohppa Nug oɗe dim lamidmi.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Sam 25:2

Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.