Sam 69:21 - Nobonob Baibel

²¹ Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

Sam 69:21 Referans Kwoze

Matyu 27:34

Ag appa tena, ag Jesus wain marasin laa ele kaboliak, Nug amu lakkunu medappig, amge Nug nakok lemaɗuppa ya anttowa, Nug baula ii laum.

Luk 23:36

Ag anam aegeg, daup danab ag ele aon aon qettan, gumidna dona, wain ena iitta mettaglagnu heppig.

Mak 15:23

Tena, appa amu ag Jesus wain marasin laa onig mir kaboliak, Nug amu lakkunu medappig, amge Nug ii laum.

Matyu 27:48

Ag anam ana, laippu laa ag oolagppanu pahanab aha, qaiqaɗ ukka, yuppanu keeke laa, nug le huanak eeɗtte ele onig span, nug amu awa, wain ena iittappa mewowa awa, gumu laa, qaittobttob gumu bia, amuppa ita, Jesus lakkunu hume teum,

Mak 15:36

Ag anam ana amu, ag oolagppanu danab laa nug aha, qaiqaɗ ukka, yuppanu keeke laa, nug le huanak eeɗtte ele onig span, nug amu awa, wain ena iittappa mewowa awa, gumu laa, qaittobttob gumu bia, amuppa ita, medakkunu haaha, nug aum. “Daappeg, Elaiya nug na ehanitteb, nug ad emaitakppanu nekku o iitta amu, ig anidkkunig,” awa aum.

Jeremaia 9:15

Juda danab ah ag Yawe anam dimettan, eheɗ oitteb amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Antteg! Da heppi, uug danab ah imu dilagppa bekku. Uug amuam danab nug uud ad tiig mua ele latte, uud tiig mua nau ele latte, amubia daakku.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Duteronomi 29:18

Ag anam anadppig amunu, ag oolagppan laa, am danab laate, o ah laate, o aab ikki laate, o Israel dilag huu okkai laate, amunu laa nug Yawe, ihinig Kayak, nug Nug dimetta, laihnu danab amu dilag kayak hambuppuak noolagppa dup noa binag mak kobol hemanu dabmeig! Ge, diɗi laa keeke nau aɗit he bettep, laa am uud tiig mua nau ele, laa am uud ad tiig mua ele, diɗi amu keeke amu he beya, keeke heeh nauhtteb, amubia kobol nau ahilagppa bemanu ag dabmeig!

Jeremaia 23:15

Propet Jerusalem daatteb, ag amu hetteb amunu, Yawe Nukka Ɠagattag Oh Ele, nug propet amu dilag inam atte. “Da heppi, ag danab uud ad tiig mua ele lana, ena ii dootte, ag amubia dooglag. Ao, da heppi, ag danab uud tiig mua nau ele lana eheɗ aotte, amubia ag bu dahil eheɗ aoglag. Aɗinu da amu hekkul? Propet Jerusalem daatteb ag heeg, kobol nau, amuam dahilnu, dahil haknu ele uuak kobol, kobol amuam Juda wan oh tonappig daatte,” awa atte.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.