Sam 68:8 - Nobonob Baibel

⁸ Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

Sam 68:8 Referans Kwoze

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Eksodas 19:16

Moses nug anam mattie ukke, deɗ ebqak ewam amuppa, buttua hakkaɗ qeeqe, amemɗi awewe, buttuɗai teppu ele qauko igippa daye, trampet iwalak huanak ele dayom. Anam daye, danab ah oh aabppa daappig amu, ag eheɗnab baɗana, beɗulag hahaɗom.

Hibru 12:26

Anukka Kayak Nug oɗeppa nai aawo, wan uɗalom, amge geha Nug nai qakka inam aum daatte. “Da geha baula wan heppi uɗalkku, amge wanib iitta, hab ele oh uɗalkkulah,” awa aum.

Aisaia 45:3

Da Yawe, Israel dilag Kayak, da na oninppa ettem amu, na da dooiɗna autna aokkutnu, da na ehanitten, en okkai okkai, aben gatatu ele daatte medakkul. Ao, da en okkai okkai, aben lokkumakppanab daatte, da na medakkul.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 68:35

Kayak Nug nuhig mettid lakka dayeye, danab ah ag Nug anidna, ag ebehilag oh bodoetta le mette. Nug am Israel dilag Kayak. Nug danab ah nuhikkud ɠagattag aqadtte. Ig Kayak binag humatu!

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Aisaia 64:3

Tumai aɗi na nena, keeke laala, danab nug amu antta, nug ebehi oh bodoetta le mette ele, na keeke amu, ig na anam hekkutnu dab-ii-memut ele amu, na amu heme. Na amu heme, qauko aakku huanak uɗalppig.

Sam 114:7

Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Eksodas 13:18

Amunu Kayak Nug Israel omalatte, ag talilin, atu taɗakppa ukkaknu ibppa gona, Le Kokoɗppa noppig. Ag Isip uun gonana, ag ban haknu keeke ele maon oippig.

Ikki Danab 4:14

Aakku Deborah nug Barak amegppa aum. “Ahan babaitte! Aɗinu? Gemu amu, Yawe Nug heeb, na Sisera eɗidkkut. Yawe Nug na noom awa iite gotte!” awa aum. Nug anam aum amunu, Barak nug ban danab nuhig 10,000 omalatte, ag Tabor qaukoppanu nona, ban heppig.