Sam 68:6 - Nobonob Baibel

⁶ Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.

Sam 68:6 Referans Kwoze

Sam 113:9

Nug he, ah mattoi nug nid menuattatta, ah amu nug gamag ahak okkai doya, nug nug laugppa aakku daatte. Ag Yawe binag meig!

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Sam 107:14

Nug ag maniguittak gatatu naunab nau eleppanu diia, omalatte uɗippig. Nug sen ahilkad oh pakkualattom.

Sam 107:10

Danab ah laala ag aben gatatu naunab nau ele amuppa daappig. Ao, ag am maniguittakppa, sen ɠagattag aenppa hattak, ag amuppa hippalatteg daan, guittak ele dooppig.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Sam 146:7

Yawe Nug danab ag ɠagattag iitta daan, laa ɠagattag ele waappa daaegeg eheɗ hadatteb ele amu, Nug ag ehanadtte. Nug danab ah ag enug daatteb, Nug ag ee madatte. Yawe Nug danab ag ⌊eheɗ laa ii heppig, amge ag⌋ maniguittakppa daatteb amu, Nug ag uhuqadtte.

Galesia 4:27

Kayak naippa amunu nai laa inam daatte. “Ah na oot keldoak, na nid menuaknu laa iitta, na gaman ahaɗ! Ao, ah na nid awaknu guittak deɗ laa ii doome ele, na ootppa ena doon, oɗen oppatna ekkut! Aɗinu? Ah gemu nukkanab daatte, Nug am nid kuɗumnab, ebqak ahilag amu ah gamu ele, nid ahilti dilag ebqak eɗittak ele daakku.”

1 Samuel 2:5

Yawe he, danab ag keeke oh ele amu, ag eɗun, keeke iitta ele daanna, ag danab laanu uɗat henana, ee daden mekkulagnu men doɗo aotteb. Ao, Nug he, danab ag enug daappig ele, ag gemu ee ele daatteb; ag enug iitta. Yawe Nug he, ah laa nug mattoi dayom amu, nug nid eblaih aɗit ele menuattom. Ao, Nug he, ah laa nug nid danab kuɗum menuattom ele, nug nid amu mahiadtte.

Aposel 16:26

Ag anam daaegeg amu mim okkai laa laippun na he, maniguittak lag amu ohnab uɗalele, od paha matulatte, senppa hippaladppig ele oh uhuqattom.

Malakai 1:3

Da nuhignu ool mauhom, amge da Esau geɗidmi. Da Esau geɗitten hei, kekeɗ ag nuhig wan heeg, wan amuam wan meu waknu nakokib elele beum daatte. Ao, da hei, ahilag wan, am ag aulag aakku, wan amuam doɗ jakal, am amu dilag beum daatte,” awa atte.

Hosea 2:3

Am nug nau hak amu ii uukku dayeb amu, da geha nug bu naunab medakkul. Da heppi, nug bam iitta daakku. Ao, da heppi, nug anig ooppanu bam iitta doum bia daakku. Da heppi, nug atu taɗak bia daakku. Ge, da heppi, nug atu, le iitta, qaɗaietta auta autanab aotte, nug amubia daakku. Da heppi, nug le baag eheɗ diieb mauhkku.

Duteronomi 10:18

Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Prowerb 23:11

Aɗinu? Kayak Nug nid amu ehanadtte amu, Nug ɠagattag ele; amu Nug ahilag nai babaitta, bu madakku.